U apublikavanaj zajavie vykazvajecca «rasčaravańnie» pačatkam sudovaha pracesu, a taksama padkreślivajecca, što pieraśled žurnalista źjaŭlajecca «jašče adnoj prajavaj instrumientalnaha vykarystańnia sistemy pravasudździa nasupierak usim demakratyčnym standartam».
Polšča zaklikała aficyjny Minsk vyzvalić Andreja Pačobuta i źniać palityčna matyvavanyja abvinavačvańni ź jaho i Anžaliki Borys.
«My taksama zaklikajem da vyzvaleńnia Alesia Bialackaha, pravaabaroncy, lidara arhanizacyi «Viasna», łaŭreata Nobieleŭskaj premii miru, i ŭsich inšych ludziej, jakija pracujuć nad pabudovaj demakratyčnaj, suvierennaj i niezaležnaj Biełarusi. Čakajem spynieńnia represij suprać hramadzianskaj supolnaści, a taksama pačatku pracesu demakratyzacyi krainy ŭ supracoŭnictvie z usimi palityčnymi kołami», — havorycca ŭ zvarocie polskaha MZS.
Žurnalista, aktyvista nieaficyjnaha Sajuza palakaŭ Biełarusi Andreja Pačobuta pačali sudzić u zakrytym pracesie 16 studzienia. U źniavoleńni jon z 25 sakavika 2021 hoda.
Čytajcie taksama:
Sud nad Pačobutam zrabili zakrytym. Źjaviłasia pieršyja VIDEA i FOTA z pasiadžeńnia
Polšča pradprymaje «dziejańni, pra jakija nielha kazać publična», kab vyzvalić palitviaźnia Andreja Pačobuta
