Pavodle papiarednich źviestak, tank spačatku byŭ padbity, jaho ekipaž pakinuŭ mašynu. Ale dostupu da jaho ŭkrainskija vajskoŭcy nie mieli, tamu, kab nie dapuścić evakuacyi i ramontu tanka ekspartnym koštam u 5 miljonaŭ dalaraŭ, jany paźniej nanieśli pa tanku jašče adzin udar. Paśla taho tank zahareŭsia. Na im byŭ śpiecyjalny kamplekt maskiroŭki «Nakidka».
Tank T-90M — madernizavanaja viersija rasijskaha tanka T-90. Tank T-90 dla sučasnaj rasijskaj armii asnoŭny i maje vialiki popyt na mižnarodnym rynku. Jon raspracoŭvaŭsia ŭ apošnija hady SSSR i pastupiŭ na ŭzbrajeńnie rasijskaj armii ŭ pačatku 1990-ch. A T-90M — heta ŭžo raspracoŭka apošniaha času, jaho pradstavili niekalki hadoŭ tamu, a sieryjnaja vytvorčaść pačałasia tolki ŭ 2021-m.
Uvosień 2022 hoda Upraŭleńnie stratehičnych kamunikacyj Uzbrojenych sił Ukrainy paviedamlała pra toje, što ŭkraincam udałosia zachapić hety tank u jakaści trafieja.
Čytajcie taksama:
Ukraincy zachapili najsučaśniejšy rasijski tank T90M
