Ciapier pravodziacca avaryjna-adnaŭlenčyja raboty, a z 12:30 u 11 punktach arhanizavany padvoz pitnoj vady. Praŭda, rajonny centr hihijeny i epidemijałohii «nastojliva rekamienduje kipiacić vadu, nabranuju ŭ miescach padvozu, pierad užyvańniem».
Pa słovach miascovych žycharoŭ, u dziciačych sadkach baćkam paviedamili, što siońnia dzieci vučycca nie buduć, a ŭ škoły z zaŭtrašniaha dnia treba dać dzieciam z saboj vadu i vilhotnyja survetki.
«U kramach vadu ŭžo amal raskupili», — kaža žychar Pružan.
Pa papiaredniaj infarmacyi, pryčyna nadzvyčajnaha zdareńnia — u pałomcy adnoj z pompaŭ, jakaja adkazvaje za vodazabieśpiačeńnie horada.
«Ramont i likvidacyja niepaładki moža raściahnucca na niekalki sutak», — skazali «Našaj Nivie» ŭ vodakanale.
KUVP «Kamunalnik» prosić haradžan «minimizavać vykarystańnie kanalizacyjnaj sistemy i takim čynam pasadziejničać chutčejšamu praviadzieńniu rabot».
Nasielnictva Pružan — kala 20 tysiač čałaviek.
nie sikać i nie kakać. ciarpieć