1) Dapamoha siamji, dačka ŭ jakoj adbyvaje pakarańnie ŭ kałonii
«Dačka pracavała ŭ adzinym u Biełarusi reabilitacyjnym centry dla žyvioł. Dapamahała žyviołam-invalidam. Było vielmi ciažka, ale joj padabałasia dapamahać tym, chto nie moža sam sabie dapamahčy.
Letaś u červieni ŭsio kardynalna źmianiłasia. Dačka była adna doma. Čakała kurjera, jaki pavinien byŭ pryvieźci štučnaje małako dla kacianiat, jakich jana ŭziała na pieratrymku. Zvanok u dźviery. Jana dumała, što heta kurjer. Ale vočka ŭ dźviarach było začyniena i čutnyja hałasy mužčyn. Jana bajałasia adkryć, ale praz 20 chvilin zaŭvažyła, što pad dźviery puskajuć haz. I jana adčyniła…
Dalej rušyła ŭśled pieršaje zatrymańnie, sud i prysud da 1,6 hoda pazbaŭleńnia voli z adbyvańniem terminu pakarańnia ŭ kałonii. Dačka nie bajałasia havaryć praŭdu i abaraniać svaju hramadzianskuju pazicyju».
Suma zboru, jakoj nie chapaje: EUR1227.
Dapamahčy možna tut.
2) Padtrymka maci i dziciaci, jakija pieražyli dźvie rełakacyi
«U studzieni my ź dziciem biehli ź Biełarusi ŭ Kalininhrad, dzie BYSOL dapamoh nam zakryć pieršasnyja patreby. My sabrali kala 650$, za jakija zmahli zrabić vizy, zakryć vostryja pytańni, i častka hrošaj zastałasia na rełakacyju ŭ Polšču.
U Polšču my pryjechali da znajomych. Amal 3 miesiacy ŭ nas było niedarahoje žyllo, sumu dzialili napałam sa znajomymi. My zmahli padać dakumienty na mižnarodnuju abaronu, znajści pracu i pierajechać. Na vyprabavalnym terminie zarpłata kapieječnaja, arenda kvatery i kamunalnyja płaciažy vielizarnyja.
Ja adna ŭ Polščy ź dziciem, dapamohi nie atrymlivaju, šukaju dadatkovuju pracu i sprabuju choć niejak žyć».
Suma zboru, jakoj nie chapaje: EUR664.
Dapamahčy možna tut.
3) Dapamoha byłomu palitviaźniu Dzianisu Hureckamu i jaho siamji
«U kvateru, dzie ja žyŭ, pryjšli nieviadomyja i zatrymali mianie. Adrazu mianie advieźli na bazu HUBAZiKa, u kabinietach usiudy byli simvały «V», «Z», a taksama hieorhijeŭskija stužki. Tam, pad ciskam, ja napisaŭ jaŭku z pavinnaj i sa mnoj zapisali «pakajannaje» videa.
Zatym była zatrymanaja siastra majoj žonki. 27.05.2022 mianie, jak abvinavačanaha ŭžo pa art. 342 č.1, pieraviali ŭ IČU na Akreścina i paśla na Vaładarku. Siastru majoj žonki asudzili i dali joj 3 hady abmiežavańnia voli biez nakiravańnia ŭ papraŭčuju ŭstanovu adkrytaha typu, i vyzvalili ŭ zale suda.
Mnie taksama abviaścili prysud: 2,5 hoda abmiežavańnia voli biez nakiravańnia i vyzvalili. Da majho vychadu ŭ žonki byŭ płan pa pierajeździe ŭ Polšču.
Za čas našaha źniavoleńnia i vyjezdu była vydatkavanaja kałasalnaja suma hrošaj: na ŭtrymańnie ŭ SIZA, na advakataŭ i ŭsie pieramiaščeńni. I nam nieabchodnaja dapamoha».
Suma zboru, jakoj nie chapaje: EUR1393.
Dapamahčy možna tut.
4) Dapamoha zasnavalniku pratesnaj hrupy VK u rełakacyi ź Biełarusi
«Vosieńniu 2022 hoda ja byŭ zatrymany supracoŭnikami milicyi. Mianie źbili, zabrali telefon, paśla jaho kanfiskavali jak srodak złačynstva.
U mianie była hrupa «UKantakcie», u jakoj ja aśviatlaŭ navinavuju stužku, pisaŭ pra ciapierašniuju ŭładu i stanovišča ŭ krainie pry represiŭnym režymie. Časam braŭ materyjały z NEXTA. U vyniku ja byŭ asudžany sudom Kastryčnickaha rajona na 15 sutak pa art. 19.11.
Ciapier u mianie štrafaŭ na 30 000 rubloŭ. U mianie niama srodkaŭ na pierajezd, strachoŭku i źniaćcie žylla na pieršy čas, navat niama pašparta. Nieabchodna jaho zrabić, a dalej — pierajechać u Polšču.
Chaču paprasić ab padtrymcy ŭ nieabyjakavych ludziej, budu rady luboj dapamozie».
Suma zboru, jakoj nie chapaje: EUR965.
Dapamahčy možna tut.
5) Dapamoha siamji Arcioma Novikava — byłoha vajskoŭca, jaki pieražyŭ palityčny pieraśled
«Z 2020 pa 2022 hod ja nie spyniaŭ aktyŭnaści svajoj hramadzianskaj pazicyi. U 2022 hodzie, u žniŭni, byŭ zatrymany supracoŭnikami HUBAZiKa za kamientary (usiaho ich 169 u kryminalnaj spravie), jakija pakinuŭ u telehram-kanale «Maja Kraina Biełaruś» u 2020 hodzie.
Mianie abvinavacili pavodle č. 1 art. 368 KK RB, a mienavita — «abraza prezidenta RB». Adbyvaŭ zatrymańnie ŭ IČU horada Viciebska (72 hadziny). Paśla, pa chadajnictvie advakata, byŭ adpuščany pad padpisku ab niavyjeździe z RB da suda.
Kali byŭ doma, vyvučyŭ sudovuju praktyku pa dadzienych kryminalnych spravach, a taksama pahutaryŭ sa znajomymi — i zrazumieŭ, što minimalnaha pakarańnia (štraf, albo abmiežavańnie voli) ja nie atrymaju, i mnie śviecić pazbaŭleńnie voli (uličvajučy, što ja były vajskoviec). Ja pryniaŭ rašeńnie pakinuć Biełaruś i źjechać u adnu z krain ES, dzie paprasiŭ palityčny prytułak.
Ciapier my ź siamjoj vymušany źviarnucca za padtrymkaj dla lehalizacyi našaha znachodžańnia ŭ novaj krainie».
Suma zboru, jakoj nie chapaje: EUR1955.
Dapamahčy možna tut.
