Fota ilustracyjnaje
Ciapier płacić za stajanku treba budzie kiroŭcam na vulicach Janki Kupały (pa abodva baki ad praśpiekta Niezaležnaści da vulicy Pieršamajskaj) i Čyrvonaarmiejskaj (pa abodva baki ad vulicy Kirava da vulicy Čyrvonaarmiejskaj, 36).
Cana parkoŭki budzie standartnaj i składzie adzin rubiel za hadzinu.
Adzin rubiel — najbolš papularny taryf dla ŭsich adkrytych stajanak horada. Vyklučeńnie składajuć tolki terytoryja Trajeckaha pradmieścia i Vierchniaha horada. Tam cana adnaho parkavalnaha miesca ŭ hadzinu składaje dva i piać rubloŭ adpaviedna.
Raniej na pradpryjemstvie «Parkoŭki stalicy» ŭžo anansavali rost kolkaści stajanačnych miescaŭ u Minsku. Jak adznačała kiraŭnictva, heta patrebna dla razhruzki horada ad zatoraŭ. Nie vyklučajecca, što chutka novyja płatnyja parkoŭki źjaviacca ŭ rajonie płoščy Pieramohi (vulicy Kamunistyčnaja, Kisialova), a taksama na vulicach Vyzvaleńnia, Špalernaj, Šornaj, praciahach vulic Rakaŭskaj, Daŭhabrodskaj, Vakzalnaj.
Na siońnia ŭ Minsku krychu bolš za 60 płatnych aŭtaparkovak, ź jakich dźvie — zakrytaha typu. Ahulnaja kolkaść mašynamiescaŭ na ich pieravyšaje piać tysiač.
