Fota: ASBIS
Firma «Aśbis Kazachstan» stała adnoj z 354 kampanij, jakija, zhodna z zakanadaŭstvam Kazachstana, pavinny prajści admysłovy manitorynh jak najbujniejšyja padatkapłatniki krainy.
Adpaviedny pieralik, jaki składajecca pa vynikach haspadarčaj dziejnaści, nabyŭ moc z 1 studzienia 2023 hoda i budzie dziejničać na praciahu dvuch nastupnych hadoŭ. Pry hetym kazachstanskaja «dačka» viadomaha IT-dystrybjutara znachodziłasia ŭ im i na praciahu 2021-2022 hadoŭ.
U 2022 hodzie Kazachstan staŭ hałoŭnym rynkam zbytu dla chołdynhu ASBISc Jenterprises, jaki z Kipra kantraluje biełaruski biznesmien Siarhiej Kaścievič. Miascovy dystrybjutar pa abjomach prodažaŭ (pryrost da anałahičnaha pieryjadu 2021 hoda — zvyš 63%) abyšoŭ padraździaleńni ŭ Rasii i Ukrainie, realizavaŭšy optam i ŭ roźnicu za dzieviać miesiacaŭ 2022 hoda pradukcyi amal na 400 młn dalaraŭ.
Dla paraŭnańnia: u Biełarusi za hety pieryjad prodažy ŭpali prykładna ŭ dva razy i skłali kala 57 młn dalaraŭ. Z 6-ha miesca ŭ sukupnych abjomach realizacyi ASBIS Biełaruś pieramiaściłasia na 9-je.
