Nastaśsi 23 hady. Jana apisała, što zdaryłasia.
«Mianie nakryła dźviaryma ŭ łožku, častki kuchni ŭ pakoi, vannym pakoi, kalidora i kładoŭki niama, tam prorva, i ja baču inšyja častki padjezda, čužoha padjezda. Ja amal cełaja, niahledziačy na ranu na hałavie i abadranyja nohi.
Ja nie viedaju, dzie baćki. Kažuć, jašče bačyli žyvymi, ja ŭpeŭnienaja, što jany byli na kuchni, jakoj užo niama. Ratavacca ja nie chacieła, chacieła jašče znajści baćkoŭ.
Uspaminaju durnyja žarty baćki siońnia, jak z mamaj siońnia fotkali ščaniukoŭ. Jeli mamin udon.
Ja stała papularnaj, choć i nie chacieła hetaha, amal kožny pablik mianie publikuje. A ja chaču da baćkoŭ. Mnie baluča. Ci ja isnuju naohuł?», — napisała dziaŭčyna ŭ instahramie 14 studzienia.
Nastaśsia. Fota: instahram dziaŭčyny
Nahadajem, 14 studzienia Rasija ŭdaryła rakietami pa Dniapry, adna ź ich prylacieła ŭ šmatpaviarchovik. Pa danych na ranicu, zahinuŭ 21 čałaviek, 73 paranienyja. Ratavalniki praciahvajuć raźbirać zavały.
