Z takoj papiaredniaj viersijaj pryčyn incydentu vystupiŭ u subotu Niamunas Biknius, hienieralny dyrektar pradpryjemstva Amber Grid — apieratara hazavych sietak Litvy.
«Pieršasny ahlad miesca zdareńnia, abstalavańnia kaža pra toje, što, chutčej za ŭsio, mieła miesca technałahičnaja avaryja. Mahčyma, byŭ parušany adzin sa švoŭ na miescy styku trub», — skazaŭ jon žurnalistam. Hazapravod byŭ pabudavany ŭ 1978 hodzie.
Nahadajem, što vybuch na hazapravodzie, što złučaje Litvu i Łatviju adbyŭsia ŭ piatnicu viečaram. Vyšynia połymia składała da 50 mietraŭ. U vyniku vybuchu nichto nie paciarpieŭ. Z najbližejšaj vioski byli evakujavanyja žychary.