Padčas vizitu Kavaleŭski sustreŭsia z kiraŭnictvam Ministerstva abarony i Dziarždepartamienta ZŠA, staršynioj Ofisa pa kaardynacyi sankcyj Dziarždepartamienta Džymam O'Brajanam, ciapierašnim i byłym dyrektarami pa pytańniach Uschodniaj Jeŭropy Rady nacyjanalnaj biaśpieki ZŠA Kiejtam Binam i Trejem Łajanzam, pradstaŭnikami Kanhresa ZŠA i analityčnych centraŭ.
Pavodle Kavaleŭskaha,
praviedzienyja sustrečy pierakanali jaho, što ZŠA buduć pryncypovymi ŭ pytańni abarony niezaležnaści i terytaryjalnaj cełasnaści Biełarusi.
Jany praciahnuć roznabakovuju padtrymku namahańniaŭ biełarusaŭ u baraćbie za demakratyju i zacikaŭlenyja ŭ pašyreńni supracoŭnictva z demakratyčnymi siłami Biełarusi ŭ halinie biaśpieki.
Sankcyi suprać režymu ZŠA majuć namier tolki ŭzmacniać i prykładać namahańni, kab jany rabilisia bolš efiektyŭnymi.
Akramia taho, Kavaleŭski zapeŭniŭ, što
palityčnaje supracoŭnictva z ZŠA vychodzić na novy ŭzrovień: nie razavych hučnych sustreč, a pastajannych aficyjnych kantaktaŭ, płanamiernaj pracy dziela demakratyzacyi Biełarusi.
