Alaksandr Čabatar. Fota: sacsietki
Mužčynu 34 hady, jon minčuk. U videa siłavikoŭ mužčyna kaža, što pracuje inžynieram-prahramistam va ŭstanovie adukacyi — kali vieryć jaho sacsietkam, heta Biełaruski nacyjanalny techničny ŭniviersitet.
Zhodna z tym, što kažuć siłaviki, jon publikavaŭ u kamientarach svaje mierkavańni pra situacyju va Ukrainie. Miarkujučy pa apublikavanych skrynšotach, ničoha radykalnaha tam niama. Da prykładu, mužčyna kaža, što mnohija biełarusy padtrymlivajuć Ukrainu, a zahinułyja ruskija sałdaty źjaŭlajucca akupantami na čužoj ziamli, tamu ich nie nadta škada.
Jahony telehram-akaŭnt byŭ zusim nieabaronieny — pa im lohka znachodzicca numar telefona i staroje pryviazanaje fota.
Nieviadoma, ci zaviedzienaja na Alaksandra kryminalnaja sprava.
Łukašysty i ich siłavyja struktury paśladoŭna padtrymlivajuć ahresiju Rasii suprać Ukrainy. Alaksandr Łukašenka zajaŭlaŭ, što vajna «praciahniecca try-čatyry dni» i skončycca parazaj Ukrainy. Rasijskija vojski ažyćciavili sprobu zachopu Kijeva z terytoryi Biełarusi pad prykryćciom biełaruska-rasijskich vučeńniaŭ. Lubyja antyvajennyja vystupy ŭ Biełarusi žorstka karajucca. Za antyvajennyja ci praŭkrainskija vykazvańni ŭ krainie zatrymanyja, imavierna, užo niekalki tysiač čałaviek.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Kolki treba ŭzbrojenych siłavikoŭ, kab zatrymać adnaho čałavieka z padniatymi rukami?
Zatrymali biełarusa, jaki viarnuŭsia z-za miažy, — za kamientary z 2020 hoda. Raskazvajem, jak jaho znajšli
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
