9 studzienia Kamandavańnie miedycynskich sił USU ŭ svaim fejsbuku paviedamiła ab praviadzieńni chirurhičnaj apieracyi pa vymańni z hrudziej svajho paranienaha vajskoŭca nierazarvanaj hranaty SAH (Streł Askiepkavy Hranatamiotny — bojeprypas daŭžynioj 4 sm, jaki vystrelvajecca z hranatamiota i moža pralacieć kala 400 m).
U paviedamleńni taksama skazana, što dla biaśpieki miedycynskaha piersanału apieracyju pravodzili pad nahladam dvuch sapioraŭ.
Da publikacyi ŭ tym liku prymacavanyja fatahrafii z renthienaŭskim zdymkam, na jakim bačnaja taja samaja hranata pobač z sercam sałdata, i chirurham, jaki trymaje ŭ rukach vyniatuju akryvaŭlenuju vybuchoŭku ŭžo paśla praviadzieńnia apieracyi.
«Apieracyju pravodziŭ adzin z samych daśviedčanych chirurhaŭ USU — hienierał-major miedycynskaj słužby Andrej Vierba — biez elektrakaahulacyi, bo hranata mahła padarvacca ŭ luby momant», — napisana ŭ publikacyi.
Kamandavańnie miedycynskich sił USU taksama paviedamiła, što apieracyja prajšła paśpiachova, a paranieny vajskoviec byŭ adpraŭleny na dalejšuju reabilitacyju i lačeńnie.
Čytajcie jašče:
Sakratar RNBA Ukrainy: Da hadaviny pačatku vajny Rasija pojdzie va-bank
Maštab razbureńniaŭ u Saladary FOTA
Pakistan adpraŭlaje va Ukrainu 159 kantejnieraŭ z bojeprypasami
