Fota: ryanair.com.
Niamała kvitkoŭ z pryvabnymi cenami i ź litoŭskaj stalicy. Tańniej za ŭsio palacieć ź Vilni ŭ polski Hdańsk (15 jeŭra), u dacki Biłund (16 jeŭra) i narviežski Osła (19 jeŭra).
Ad 25 da 30 jeŭra kaštujuć kvitki ŭ Miłan, Łondan, Niurnbierh, Bierlin, Vienu, Bremien, Dublin (u adzin bok). Samyja darahija kvitki ź Vilni — u Varnu (53 jeŭra) i Afiny (61 jeŭra). Taksama kvitki aktualnyja dla vyletu z Koŭna i Pałanhi, ale tam kolkaść nakirunkaŭ mienšaja.
Z Polščy łaŭkostam možna adpravicca ŭ bolš krain i z bolšaj kolkaści haradoŭ. Z Varšavy vyhadniej za ŭsio lacieć u Brusiel, šviecki Hioterbier, Osła (17 jeŭra), a taksama ŭ Ryhu i Stakholm (19 jeŭra), Livierpul i Łondan (21 jeŭra).
Z Hdańska bolš prapanoŭ pa 17 jeŭra: u Biłund, Hioterbier, Hamburh, Kapienhahien, Łondan, Osła i Vilniu. Na adzin jeŭra daražej abydziecca kvitok u Stokholm.
Taksama tannyja kvitki čakajuć žycharoŭ inšych polskich haradoŭ: Katavice, Krakava, Poznani, Urocłava i inšych.
Dziela cikavaści my paraŭnali ceny na padakcyjnyja kvitki ad Ryanair sa zvyčajnymi ad inšaha papularnaha łaŭkosta — WizzAir. Akazałasia, što časam adnolkava vyhadna kupić bilety biez rasprodažu.
Naprykład, z Koŭna ŭ Łondan Ryanair raspradaje kvitki ad 16 jeŭra, a ŭ WizzAir možna znajści kvitok na maj usiaho na 4 jeŭra daražejšy — i heta biez akcyj. Ale ź Vilni ŭ toj ža Osła kvitki na hety pieryjad ad WizzAir kaštujuć sama mieniej pa 70 jeŭra (a ŭ Ryanair — ad 19 jeŭra).
