Vadzim Kabančuk. Skryn videa
Kabančuk pierakanany, što Biełaruś budzie jašče bolš uciahnutaja ŭ vajnu. «Pucin pryjazdžaŭ z Łukašenkam dakładna nie pra ekanamičnyja stasunki razmaŭlać. Tamu što Pucin zaraz naohuł žyvie nie ekanomikaj. Jon žyvie ŭ inšaj paradyhmie — heta vajna. Na žal, jany abjaviać mabilizacyju i kanflikt budzie eskaliravacca», — vykazaŭsia Kabančuk u efiry Biełsata.
Pavodle jaho, biełarusy, jakija robiać vyhlad, što ničoha nie adbyvajecca, što vajny niama, majuć płacić za hetu tryjadu «čarka, škvarka, inšamarka», za sacyjalny kantrakt z režymam Łukašenki. «I usie my majem svaju dolu adkaznaści za tuju situacyju, jakuju ciapier majem».
«Na žal, biełarusam treba rychtavacca da horšaha», — miarkuje jon.
«Vajna dla biełarusa — samaje strašnaje, što moža być u hetym žyćci. U nas u hienietyčnaj pamiaci zakładzieny hety žach pierad vajnoj. U jakim jana vyhladzie pryjdzie? Daj boh, kab jana nas mocna nie začapiła», — nie hublaje nadzieju Kabančuk.
Ale jon nie vyklučaje i horšyja varyjanty.
«Vojska zmaŭčała ŭ 2020-m hodzie, a Siły śpiecyjalnych apieracyj udzielničali ŭ padaŭleńni pratestaŭ — i hety bumieranh, heta karma da ich vierniecca. Pačałasia vajna va Ukrainie — jany razhaniali akcyju «Nie vajnie». Značyć chłopcy, jakija jaje razhaniali, jany, napeŭna, za vajnu. Nu, Łukašenka i Pucin daduć im mahčymaść siabie prajavić u toj ci inšaj stupieni».
Kabančuk miarkuje, što tymi siłami, jakija ciapier jość u Biełarusi, nastup na Ukrainu niemahčymy. «Mahčymaja pravakacyja, mahčyma stvareńnie napružańnia, ale nastup — nie. Nastup stanie mahčymy, kali ŭ Biełarusi praviaduć mabilizacyju ci kali rasijanie pryšluć značnyja siły. Pavinna być vojska za 50 tysiač. Pakul my hetaha nie nazirajem. Kali jany pajduć u nastup, ja dumaju, ich čakaje razhrom. Jany nie prasunucca na vialikuju hłybiniu. Tym bolš, što ŭkraincy padrychtavanyja ciapier značna lepiej».
Navat kali nie budzie novaha nastupu na Kijeŭ z boku Biełarusi, «zakančeńnie hetaj vajny budzie źviazana z vyrašeńniem pytańnia Łukašenki, biełaruskaha pytańnia».
Kabančuk ličyć, što raźviazka budzie łahičnaj i «hety satelit raździelić los svajho patrona».
Pytańnie vyzvaleńnia Biełarusi — heta pytańnie biełarusaŭ, havoryć Kabančuk.
«U nas jość roznyja šlachi, i my hatovyja da samaha radykalnaha šlachu», — kaža jon.
Vyzvaleńnie palitviaźniaŭ i spynieńnie represij u krainie Kabančuk źviazvaje taksama ź pieramohaju Ukrainy ŭ vajnie.
«Łukašenka maje siońnia niełajalnaje nasielnictva i častkova łajalnyja Uzbrojenyja Siły. U hetych umovach jon nikoli nie pojdzie na toje, kab kahości vypuskać, što moža pryvieści da paharšeńnia sacyjalna-palityčnaha stanovišča ŭnutry krainy. Jany ledźvie ŭ 2020—2021 hadach spravilisia, kab usio zadušyć.
Dla mianie zrazumieła, što pytańnie vychadu našych palitviaźniaŭ lažyć kala pieramohi Ukrainy. Razam ź pieramohaj Ukrainy budzie, chutčej za usio, i pieramoha biełaruskaha naroda. I my palitviaźniaŭ prosta vypuścim», — havoryć jon.
Jon kaža, što razumieje, što resursaŭ dobraachvotnikaŭ mała ŭ maštabach krainy. Tamu patrebnaja dapamoha hramadstva i jaho kansalidacyja.
