Raspaŭsiudžanyja pamyłki: jak vy možacie paškodzić svaju mašynu zimoj

Fota: vecteezy

Nie prahravajcie mašyny na chałastym chodzie

Padčas ruchu aŭtamabil zaŭsiody prahravajecca chutčej, čym na chałastym chodzie. Prahreŭ mašyny na chałastym chodzie — heta «pustaja trata hrošaj, prosta marnavańnie paliva», jak kažuć śpiecyjalisty. Prahravajcie mašynu roŭna stolki, kab razmarozilisia vokny, i nie bolš.

Fota: pixabay

Nie apuskajcie škła na voknach, pakul jany nie adtajali

Budźcie aściarožnyja padčas zdymańnia lodu z voknaŭ. Nie rekamiendujecca vykarystoŭvać dla ačyščeńnia łabavoha škła vadkaści, naprykład, ciopłuju vadu. Zamiest hetaha zaviadzicie mašynu, i chaj abahreŭ škła i kandycyjanier zrobiać svaju pracu, a vy tym časam vykarystajcie skrabok.

Nie varta vykarystoŭvać škłopadjomniki, kali na aknie jašče lažyć maroz.

Nie zabyvajciesia razmarozić zamki i ručki

Kali lić haračuju vadu na zamarožanyja dźviarnyja zamki i ručki, heta moža paškodzić miechanizmy ŭsiaredzinie. Nie rabicie hetaha. Lepš vykarystajcie sprei ci vadkaści dla vydaleńnia lodu, jakija jość u prodažy. Ale nie trymajcie hetyja srodki ŭ sałonie vašaha aŭtamabila: kali zamiorznuć dźviercy — nie dastaniecie.

Nie padymajcie dvornikaŭ pierad zaviejaj

Niekatoryja kiroŭcy padymajuć dvorniki pierad zaviejaj. Ale heta z časam moža źmienšyć prymykańnie dvornikaŭ da łabavoha škła, što moža pryvieści da prablem z bačnaściu, asabliva ŭ śniežnych umovach. Niekatoryja kiroŭcy zimoju pierachodziać na zimovyja dvorniki.

Fota: vecteezy

Praviarajcie cisk u šynach

U maroz cisk u šynach padaje. Kali ŭ vas jość datčyk cisku ŭ šynach — dobra. Kali nie — praviarajcie jaho čas ad času ŭručnuju.

Kab daviedacca pra rekamiendavany cisk u šynach aŭtamabila, aznajomciesia ź infarmacyjaj, jakaja zvyčajna źmiaščajecca na ŭnutranym baku dźviarej z boku kiroŭcy. Kali prytrymlivacca hetych patrabavańniaŭ, jany buduć lepš adpaviadać patrebam vašaha aŭtamabila, čym śpiecyfikacyi na bakavinach samich šyn.

Nahadajem, što praviarać cisk treba na chałodnych šynach, a nie paśla jazdy. Jazda vyklikaje nahreŭ šyn, u vyniku čaho pakazańni cisku pavietra rastuć pa miery rasšyreńnia pavietra, tamu sihnalny datčyk nizkaha cisku vyklučajecca, dajučy vam iłžyvaje pačućcio biaśpieki.

Sačycie za palivam

Vada ŭ baku — vorah. Kali ŭ vas u baku naźbiraŭsia kandensat, to pry małoj kolkaści paliva jon moža zamierznuć.

Nie pakidajcie aŭtamabil brudnym

Pakryćcio mašyny aŭtavoskam abaraniaje pavierchni ad iržy, soli i chimičnych rečyvaŭ. Čym čaściej vy zmyvajecie sol z aŭtamabila, tym lepš.

Fota: vecteezy

Nie jeździcie ź lodam i śnieham na aŭto

Jechać, nie pačyściŭšy ad lodu i śniehu vokny i lusterki pierad pačatkam ruchu, — heta patencyjnaja avaryja. Važna taksama, kab kandycyjanier byŭ spraŭny i vokny znutry nie zapaciavali.