Letaś pradpryjemstva zaviaršyła madernizacyju isnujučaj linii pa vypusku suchich karmoŭ. Dziakujučy čamu abjomy vytvorčaści hetaj pradukcyi vyraśli ŭdvaja — da 6 tysiač ton u hod.
«Pryniata rašeńnie nie spyniacca na dasiahnutym i realizavać inviestycyjny prajekt, kab pavialičyć abjomy vytvorčaści jašče amal u dva razy. Uvieś abjom pradukcyi, jaki vyrablaje zavod, realizoŭvajecca faktyčna z kołaŭ. Pradpryjemstva moža realizavać značna bolš, čym dazvalajuć ciapierašnija abjomy», — padkreśliŭ Andrej Kuźmič.
Kambikormavy zavod maje namier rekanstrujavać skład i raźmiaścić tam jašče adnu liniju pa vypusku suchich karmoŭ dla katoŭ i sabak. U pašyreńnie vytvorčaści pradpryjemstva hatova inviestavać 11,5 młn rubloŭ. Hety prajekt płanujuć realizavać da siaredziny 2024 hoda. «Prajekt dazvolić pavialičyć pradukcyjnaść, zabiaśpiečyć charaktarystyki kormu na ŭzroŭni najlepšych jeŭrapiejskich anałahaŭ, naraścić abjomy vypusku impartazamiaščalnaj pradukcyi. Miarkujecca dadatkova stvaryć 13 pracoŭnych miescaŭ», — dadaŭ staršynia rajvykankama.
Na Žabinkaŭskim kambikormavym zavodzie pracuje kala 400 čałaviek. Jon zajmaje kala 30-35% u ahulnym abjomie pramysłovaj vytvorčaści Žabinkaŭskaha rajona. Heta pradpryjemstva źjaŭlajecca vała-i horadaŭtvaralnym dla rehijona. Historyja zavoda pačałasia ŭ siaredzinie XX stahodździa. Tady na nievialikaj vytvorčaści vypuskali 35 t kambikormu ŭ sutki. Zaraz vyrablajuć 120 tys. t pradukcyi ŭ hod: kambikorm dla sielskahaspadarčych žyvioł, korm dla ryb, chatnich žyvioł i navat ślimakoŭ.
