Alaksandra Łukašenku ŭ chramie sustreŭ mitrapalit Minski i Zasłaŭski Vienijamin, Patryjaršy Ekzarch usiaje Biełarusi.
Jaho sustreŭ mitrapalit Minski i Zasłaŭski Vienijamin, Patryjaršy Ekzarch usiaje Biełarusi.
Chram u imia śviaciciela Iaana Šanchajskaha i San-Francyskaha ŭvachodzić u skład manastyrskaha kompleksu Śviata-Jelisaviecinskaha žanočaha manastyra. Jon pabudavany ŭ styli staražytnaruskaha draŭlanaha dojlidstva XVII stahodździa pa technałohii kanadskaj rubki (złučeńnie bierviana abo brusa ŭ kutach zruba).
«Narešcie mnohija pačali razumieć, što jany nidzie nie patrebnyja, akramia svajoj ziamli. Navat i tyja, jakija ŭciakli ź Biełarusi siońnia, tysiačami źviartajucca da nas, kab ich viarnuli nazad na radzimu. My nikoha nie vyhaniali ź Biełarusi. Heta takaja ž ich ziamla, jak i naša. Ale jany šukali lepšaha žyćcia, pa roznych pryčynach biehli adsiul. Nadyšoŭ čas, kali my, pradstaŭniki ŭłady, ja jak kiraŭnik dziaržavy i vy, śviatary, našy ludzi pavinny zrabić krok nasustrač hetym ludziam, jakija ci toje ašaleŭšy, ci toje na niejki čas straciŭšy aryjenciry, pamylilisia. I budzie, napeŭna, pa-našamu, pa-pravasłaŭnamu, kali my hety krok nasustrač im zrobim», — skazaŭ Łukašenka.
«Ja nie chaču skazać, što my ciapier, jak patrabuje ad nas Zachad… Ja mienš pra heta kažu, ale kožny dzień patrabavańnie — viarnuć i inšaje, i inšaje, navat parušalnikaŭ zakona. Nie. Kožny pavinien adkazać za svajo. Ale ja ŭpeŭnieny, što siarod i tych, chto ŭciok, i tych, jakija žyvuć siońnia ŭ nas, — ludzi, jakija hłyboka raskajalisia, ludzi, jakija zrazumieli, što pamylilisia. Jany nie pavinny być vykinutyja na ŭzbočynu», — zajaviŭ jon.
Treba dadać, što litaralna ŭčora my raspaviadali pra zatrymańnie biełarusa, jaki viarnuŭsia z-za miažy, — za kamientary z 2020 hoda. Siłaviki pahražajuć jamu kryminalnaj spravaj. I ničoha nie pakazvaje na toje, što hradus represij źnižajecca, naadvarot — jon pavialičvajecca adnačasova z tym, što hramadstvu ŭsio składaniej daviedvacca pra novyja vypadki zatrymańniaŭ i katavańniaŭ. Heta źviazana z tym, što siłaviki pahražajuć ludziam nastupstvami za pieradaču ŭ ŚMI luboj infarmacyi pra zatrymańni.
