05.01.2023
/ 19:23 / Ałharytmičny łacinski varyjant
Łatvijskaja kontrraźviedka zatrymała šef-redaktara rasijskaha ahienctva Sputnik
Słužba dziaržaŭnaj biaśpieki Łatvii zatrymała šef-redaktara litoŭskaj słužby rasijskaha dziaržaŭnaha ahienctva Sputnik Marata Kasiema. Jaho aryštavali ŭ Ryzie i padazrajuć u parušeńni sankcyjnaha režymu. Ab zatrymańni hramadzianina Łatvii, jaki pracuje na «Rośsiju siehodnia», paviedamiła vydańnie Delfi sa spasyłkaj na łatvijskuju słužbu dziaržaŭnaj biaśpieki.
Fota: facebook.com/qasemmarat
Kasiem byŭ zatrymany 3 studzienia i pieraviedzieny ŭ Centralnuju turmu Ryhi. Jak paviedamlaje ahienctva, ich supracoŭniku, akramia abvinavačańnia ŭ parušeńni sankcyj, mahło być pradjaŭlena abvinavačańnie ŭ špijanažy.
Jeŭrasajuz u sakaviku 2022 hoda, paśla maštabnaha rasijskaha ŭvarvańnia va Ukrainu, zabaraniŭ pracu na terytoryi krain ES ahienctva Sputnik i telekanała RT. Jašče da ŭviadzieńnia zabarony na ŭzroŭni ES Łatvija zabaraniła pracu vydańniaŭ chołdynha «Rośsija siehodnia», kudy ŭvachodzić Sputnik, na svajoj terytoryi.
Nashaniva.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
