Hałoŭny kort Australian Open. Fota: AP Photo/Kelly Barnes
«Tenisisty z Rasii i Biełarusi mohuć udzielničać u mižnarodnych turnirach u indyvidualnym paradku — bieź ściaha i nacyjanalnaj prynaležnaści, što i adbudziecca na Australian Open — 2023», — havorycca ŭ zajavie tenisnaj fiederacyi Aŭstralii.
Raniej ambasadar Ukrainy ŭ Aŭstralii Vasil Mirašničenka patrabavaŭ, kab arhanizatary zabaranili rasijanam i biełarusam udzielničać u turniry, jak zrabili heta letaś arhanizatary Uimbłdanskaha turniru.
Adnak arhanizatary Adkrytaha čempijanatu Aŭstralii jašče ŭ kastryčniku zajaŭlali, što nie źbirajucca nikoha adchilać, a ŭ śniežni ahučyli papiaredni śpis udzielnikaŭ. Ukrainski dypłamat nazvaŭ pazicyju Tennis Australia «biespryncypovaj» i paabiacaŭ abmierkavać situacyju ź ich kiraŭnikom Krejham Tajli.
Ciapier u śpisie ŭdzielnikaŭ Australian Open — 2023 čatyry biełaruskija tenisisty, nasuprać proźviščaŭ jakich — biełyja ściahi. Heta Aryna Sabalenka, Viktoryja Azaranka, Alaksandra Sasnovič i Ilja Ivaška. Matčy asnoŭnaj sietki adzinočnych turniraŭ pačnucca ŭ Mielburnie 16 studzienia.
