Biez ustupnych vyprabavańniaŭ praduhledžvajecca zaličeńnie pieramožcaŭ mižnarodnych i respublikanskich alimpijad, pieramožcaŭ univiersiteckich alimpijad — pry pastupleńni ŭ hetyja VNU, vypusknikoŭ Nacyjanalnaha dziciačaha technaparka pa rekamiendacyi naziralnaj rady, vypusknikoŭ licejaŭ pry ŭniviersitetach — pry pastupleńni ŭ hetyja ŭniviersitety, a taksama asob, jakija zdali Adziny dziaržaŭny ekzamien u Rasii (pry pastupleńni na płatnuju formu navučańnia).
Taksama pa-za konkursam buduć zaličvacca dzieci vajennasłužačych, supracoŭnikaŭ orhanaŭ unutranych spraŭ, jakija stali invalidami pry vykanańni słužbovych abaviazkaŭ, vychavancy vajenna-patryjatyčnych kłubaŭ — pry pastupleńni ŭ VNU Minabarony, MUS, Dziaržpahrankamiteta i na vajennyja fakultety.
Uvodziacca asablivyja ŭmovy pastupleńnia na śpiecyjalnaści dla Uzbrojenych Sił, transpartnych vojskaŭ i orhanaŭ pahraničnaj słužby. Na nazvanyja śpiecyjalnaści abituryjenty buduć zdavać tolki dva pradmiety (mova i adzin profilny pradmiet u formie CE abo CT).
Praduhledžvajecca pryjom na metavuju padrychtoŭku pa vynikach ŭnutranaha vyprabavańnia ŭ VNU ŭ vusnaj abo praktyčnaj formie (u zaležnaści ad śpiecyjalnaści).
Pry padačy dakumientaŭ dla pastupleńnia abituryjent pavinien padać charaktarystyku sa škoły (kaledža).
Ukazam taksama zamacoŭvajucca paŭnamoctvy Minadukacyi pa rehulavańni asobnych pytańniaŭ praviadzieńnia ŭstupnaj kampanii, u tym liku pa vyznačeńni paradku arhanizacyi i praviadzieńnia CE i ŭnutranych ekzamienaŭ, terminaŭ pryjomu dakumientaŭ i zaličeńnia abituryjentaŭ.
