Pra adjezd Kazakievič paviedamiŭ telehram-kanału «Pozirk».
Kazakievič ličyć, što jahony pieraśled źviazany nie tolki z pratestami, a «było stabilnaje adčuvańnie, što cisk źviazany mienavita z pracaj kramy».
Pavodle jaho słoŭ, pačalisia pravierki DFR, padatkovaj, pahrozy zaviadzieńnia kryminalnych spraŭ.
«Kali ja vyjšaŭ paśla čarhovaha zatrymańnia za raspaŭsiud «ekstremisckich materyjałaŭ», krama była ŭžo začynienaja. Mnie dali 10 dzion na vyvaz tavaru. Paralelna milicyjaniery prymušali vydalić usie fota– i videamateryjały pra kramu ź internetu, staronki ŭ sacsietkach», — raspavioŭ Kazakievič.
Paśla hetaha jaho zaprasili ŭ padatkovuju, dzie zaviali spravu za nibyta niezakonnuju pradprymalnickuju dziejnaść. Adnoj z padstaŭ stała toje, što «Roskvit» praciahvaŭ pracavać tyja niekalki dzion, pakul haspadar znachodziŭsia za kratami.
