Lepš za ŭsio litoŭcy staviacca da Polščy: 24% respandentaŭ aceńvajuć hetu krainu vielmi stanoŭča i jašče 66% — chutčej stanoŭča. Na druhim miescy — Hiermanija (16% vielmi stanoŭča i 66% — chutčej stanoŭča). Na trecim miescy Ukraina i Vialikabrytanija: 27 na 54 i 22 na 59 pracentaŭ adpaviedna.

Da Biełarusi vielmi niehatyŭna staviacca 32% apytanych, chutčej niehatyŭna — 43%. Vielmi stanoŭča da našaj krainy staviacca tolki 3%, a chutčej stanoŭča — 14%. Takim čynam, kiepskaje staŭleńnie da Biełarusi pakazali try čverci apytanych.

Adznačajecca, što litoŭskija palaki akazalisia adzinaj hrupaj respandentaŭ, jakija acanili Biełaruś stanoŭča, — 53% abrali takija varyjanty adkazaŭ. 

Najhoršaje staŭleńnie ŭ litoŭcaŭ da Rasii. 64% apytanych staviacca da hetaj krainy vielmi niehatyŭna, 26% — chutčej niehatyŭna. 

Kitaj vielmi niehatyŭna acanili 13% litoŭcaŭ, jašče 44% — chutčej niehatyŭna. Ale ŭ paraŭnańni ź minułym daśledavańniem, zroblenym u lutym, staŭleńnie da Kitaja palepšyłasia, a da Rasii i Biełarusi — pahoršyłasia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?