Fota z tvitara No Context Belarus
Što mianiajecca dla indyvidualnych pradprymalnikaŭ
Z 1 studzienia 2023 hoda kančatkova źnikaje sproščanaja sistema padatkaabkładańnia. Taksama z 16-ci pracentaŭ da 20-ci pracentaŭ pavialičvajecca staŭka padachodnaha padatku. Akramia taho, skaračajecca śfiera prymianieńnia adzinaha padatku dla indyvidualnych pradprymalnikaŭ. Naprykład, nie budzie bolš takich vidaŭ dziejnaści, jak techabsłuhoŭvańnie i ramont transpartnych srodkaŭ, vytvorčaść adzieńnia i abutku, akazańnie cyrulnickich i miedycynskich pasłuh, u tym liku stamatałahičnaj dziejnaści, tamu što hetyja vidy mała vykarystoŭvajucca płacielščykami.
Asnoŭny i adziny padatkovy režym dla indyvidualnych pradprymalnikaŭ pry zdačy majomaści ŭ karotkaterminovuju arendu ciapier — heta adziny padatak. Jaho asablivaść u tym, što IP pavinny zajavić pra ŭsie kvatery, jakija buduć zdavacca ŭ arendu, i zhodna z hetaj infarmacyjaj budzie raźličvacca padatak. Infarmacyja budzie pieradavacca ŭ tym liku žyllova-kamunalnym słužbam.
Z hetaha hoda pavialičvajucca staŭki adzinaha padatku. Z ulikam hetaha, viedamstva praduhledzieła šerah pierachodnych normaŭ u Padatkovym kodeksie, kab hetyja źmieny ŭsprymalisia subjektami haspadarańnia i IP maksimalna spakojna. Novyja staŭki adzinaha padatku buduć prymianiacca pry naličeńni padatku, termin vypłaty jakoha nastupić paśla 30 studzienia. «Pa sutnaści, jany buduć prymianiacca pačynajučy ź lutaha 2023 hoda», — padkreśliŭ Ihar Skryńnikaŭ.
Dla pradprymalnikaŭ, jakija zhubili prava na prymianieńnie adzinaha padatku abo jakija nie vyznačylisia z padatkovym režymam, praduhledžana mahčymaść padačy ŭdakładnienych padatkovych dekłaracyj da 30 studzienia 2023 hoda. Akramia hetaha, praduhledžana prava płacielščyka, jaki vykazaŭ žadańnie pierajści na padachodny padatak na praciahu pieršaha kvartała 2023 hoda, pierajści na jaho. Pierachod moža byť ździejśnieny ź luboha miesiaca pieršaha kvartała 2023 hoda.
Što mianiajecca dla fizičnych asob
Dla fizasob uvodzicca padatak na prafiesijanalny dachod. Heta novy padatkovy režym, całkam zasnavany na ličbavym uzajemadziejańni, pačynajučy ad pastanoŭki na padatkovy ŭlik i zakančvajučy jaho vypłatami. Ciapier usie apieracyi pa hetym padatku ažyćciaŭlajucca praz mabilny dadatak «Padatak na prafiesijanalny dachod». Novy režym moža prymianiacca hramadzianami Biełarusi, a taksama niehramadzianami, jakija pražyvajuć na terytoryi Biełarusi, žadajuć ažyćciaŭlać niejkuju dziejnaść, jakaja praduhledžana adpaviednym pieralikam dla prymianieńnia hetaha padatkovaha režymu. Što datyčycca pieraliku vidaŭ dziejnaści, jakija zmohuć prymianiać płacielščyki padatku na prafdachod, to jon rehłamientujecca pastanovaj urada № 851.
Jak mianiajecca vypłata zboru dla ramieśnikaŭ i asob, jakija akazvajuć pasłuhi ŭ śfiery ahraekaturyzmu
Na praciahu pieršaha paŭhodździa 2023 hoda ramieśniki zmohuć prymianiać svoj zbor tak, jak i raniej. Ale z 1 lipienia 2023 hoda fizičnyja asoby zmohuć jaho prymianiać tolki tady, kali budzie pryniata rašeńnie miascovych orhanaŭ ułady ab tym, što dziejnaść płacielščyka adnosicca da ramiesnaj. Heta zroblena, tamu što faktyčna ludziej, jakija zajmajucca ramiastvom, značna mienš, čym zarehistravana. Płacielščyki buduć vypłačvać zbor nie tak, jak raniej (usiu hadavuju summu adnačasova), a štomiesiac, kali z 1 lipienia nie budzie rašeńnia miascovych orhanaŭ ułady ab tym, što dziejnaść ich adnosicca da ramiesnaj. Kali dziaržorhany nie paćvierdziać hetaha, to płacielščyk pavinien budzie pierajści na padatak na prafdachod.
Toje ž samaje datyčycca i ahraekaturyzmu.
