Zadača
Amanda žyvie sa svaim synam-padletkam Metam u sielskaj miascovaści, dzie taksama znachodzicca škoła Meta. Kožny dzień Amanda vychodzić z domu ŭ adzin i toj ža čas, jedzie ŭ škołu z pastajannaj chutkaściu, zabiraje Meta roŭna ŭ toj momant, kali jahony šachmatny kłub zakančvajecca a 5-j hadzinie viečara, a zatym jany nieadkładna viartajucca dadomu razam z takoj ža pastajannaj chutkaściu. Ale adnojčy Met drenna pačuvajecca, tamu rana sychodzić z treniroŭki pa šachmatach i adpraŭlajecca dadomu na svaim elektryčnym samakacie.
Paśla taho jak Met jechaŭ na praciahu hadziny nasustrač mamie, Amanda sustrakaje jaho na svajoj mašynie (pa svaim zvyčajnym maršrucie, kab zabrać jaho), i jany viartajucca razam dy pryjazdžajuć dadomu na 40 chvilin raniej, čym zvyčajna. Kolki dakładna času prapuściŭ Met sa svajoj treniroŭki pa šachmatach?
Padkazka
Popular Mechanics prapanuje źviarnuć uvahu na toj momant, kali Amanda sustrakaje Meta.
Rašeńnie znojdziecie pad vyjavaj.
Fota: vecteezy
Rašeńnie
Davajcie paznačym miesca, dzie Amanda i Met sustrakajucca na darozie, kropkaj M. U hetaj zadačy Amanda jedzie ad ich domu da punkta M, dzie jana sustrakaje Meta, a potym jany razam viartajucca da ich doma. Paznačym čas, nieabchodny joj dla hetaha, jak T.
My nie viedajem T, ale my viedajem, što čas, jaki spatrebiŭsia Amandzie, kab dajechać da punkta M i viarnucca razam z synam nazad, — na 40 chvilin mienšy, čym uvieś čas, jaki zvyčajna patrabujecca joj na šlach u škołu i nazad. Takim čynam uvieś čas, nieabchodny, kab dajechać da škoły i nazad, składaje (T+40) chvilin.
Z hetaha my možam zrabić vysnovu, što čas ad punkta M da škoły i nazad da punkta M pavinien zaniać 40 chvilin. A pakolki, zhodna z umovami zadačy, Amanda jedzie z pastajannaj chutkaściu, to pajezdka ŭ adzin bok ad M da škoły pavinna zaniać 20 chvilin.
Pakolki my viedajem, što Amanda pryjazdžaje ŭ škołu roŭna ŭ 17:00, zvyčajna jana pavinna być u punkcie M za 20 chvilin da pryjezdu ŭ škołu, to-bok u 16:40.
Taksama z zadačy my viedajem, što Met pakinuŭ šachmatny kłub raniej i jechaŭ hadzinu da momantu sustrečy z maci ŭ punkcie M. Takim čynam, jon pavinien byŭ syści ŭ 15:40. Pakolki šachmaty zvyčajna zakančvajucca ŭ 17:00, u nas jość adkaz: Met prapuściŭ 1 hadzinu 20 chvilin treniroŭki pa šachmatach.
