Fota ilustracyjnaje
Žonki dzieviaci žycharoŭ Vałhahrada, mabilizavanych na vajnu va Ukrainie, padali kalektyŭny zvarot ŭ Hałoŭnuju vajskovuju prakuraturu i Hałoŭnaje vajskovaje śledčaje ŭpraŭleńnie.
Jany śćviardžajuć, što ich mužoŭ paśla admovy ŭdzielničać u bajavych dziejańniach niezakonna ŭtrymlivajuć u tak zvanaj «turmie dla admoŭščykaŭ», jakaja ŭjaŭlaje saboj padvalnaje pamiaškańnie, jakoje nie aciaplajecca, u nasielenym punkcie Amvrosijeŭka.
Pavodle ich słoŭ, im nie akazvajecca miedycynskaja dapamoha, vydajuć adzin indyvidualny racyjon charčavańnia ŭ sutki na ŭsich, pahražajuć fizičnaj raspravaj.
Žančyny patrabujuć «arhanizavać praviadzieńnie pravierki pa fakcie niezakonnaha pazbaŭleńnia voli i vidavočnaha pieravyšeńnia słužbovych paŭnamoctvaŭ słužbovymi asobami».
Kamientaroŭ aficyjnych asob z nahody zvarotu pakul niama.
Uletku zvaroty z-za niezakonnaha pazbaŭleńnia voli vajskoŭcaŭ adpraŭlali i členy prezidenckaj Rady pa pravach čałavieka — tady ŭ padvałach i jamach Łuhanskaj vobłaści masava ŭtrymlivali admoŭščykaŭ-kantraktnikaŭ.
