Ceny na šampanskaje ŭ Biełarusi startujuć z adznaki ŭ 5 rubloŭ 99 kapiejek. Stolki kaštuje samaje dastupnaje ajčynnaje šampanskaje ŭ butelcy abjomam 0,75 litra.
U Polščy ceny na ihrystyja viny pačynajucca z 10 złotych (kala 6 rubloŭ). U Litvie — z adznaki ŭ 2,5 jeŭra, što kala 7 rubloŭ.
Vyhladaje, što samaje tannaje ihrystaje vino ad miascovych vytvorcaŭ u troch krainach kaštuje pryblizna adnolkava, čaho nielha skazać pra šampanskaje viadomych italjanskich marak.
Butelka italjanskaha ihrystaha vina abjomam 0,75 litra ŭ Biełarusi pradajecca pa cenach ad 36 rubloŭ. U Polščy anałahičnaje možna znajści ad 33 złotych (kala 20 rubloŭ). U Litvie takoje samaje šampanskaje pradajuć pa canie ad 7 jeŭra (kala 20 rubloŭ) za butelku.
Butelku praseka ad inšaha italjanskaha vytvorcy ihrystych napojaŭ u Biełarusi možna kupić pa canie ad 35 rubloŭ. U Polščy takoje šampanskaje kaštuje 44 złotyja (kala 26 rubloŭ). U Litvie jano pradajecca pa canie ad 8,5 jeŭra (kala 25 rubloŭ) za butelku.
Čytajcie taksama: Kolki pierad Novym hodam kaštujuć mandaryny ŭ Biełarusi, Polščy i Litvie. Paraŭnali ceny
