U punkcie 45 Pałažeńnia ab zaachvočvańniach i akazańni materyjalnaj padtrymki śpiecyjalnych fondaŭ Prezidenta Respubliki Biełaruś pa sacyjalnaj padtrymcy adoranych navučencaŭ i studentaŭ, pa padtrymcy talenavitaj moładzi, adznačajecca, što pazbavicca zaachvočvańniaŭ i zvańnia łaŭreataŭ prezidenckich śpiecfondaŭ možna budzie za:
- ździajśnieńnie ciažkaha ci asabliva ciažkaha naŭmysnaha złačynstva;
- parušeńnie paradku arhanizacyi abo praviadzieńnia masavych mierapryjemstvaŭ, prapahandu abo publičnaje demanstravańnie, vyrab, raspaŭsiudžvańnie nacysckaj simvoliki abo atrybutyki, raspaŭsiudžvańnie, vyrab, zachoŭvańnie, pieravozku infarmacyjnaj pradukcyi, jakaja źmiaščaje zakliki da ekstremisckaj dziejnaści abo prapahanduje takuju dziejnaść;
- inšyja dziejańni, jakija nanosiać škodu dziaržaŭnym abo hramadskim intaresam ci dyskredytujuć śpiecfondy.
Z hetaha vynikaje, što pieradusim hetaja norma budzie prymianiacca da ludziej z alternatyŭnymi palityčnymi pohladami.
Zhodna z punktam 47 Pałažeńnia, na viartańnie hrošaj pazbaŭlenamu zvańnia dajecca paŭhoda. Paśviedčańnie łaŭreata i inšyja znaki adroźnieńnia treba budzie addać za miesiac. Kali čałaviek, pazbaŭleny zaachvočvańniaŭ z łukašenkaŭskich śpiecfondaŭ, adbyvaje pakarańnie, terminy viartańnia hrošaj i dakumientaŭ padaŭžajucca.
Miarkujučy pa tekście dakumienta, ukaz nie maje zvarotnaj siły i nie raspaŭsiudžvaje svajo dziejańnie na padziei, jakija adbylisia da ŭstupleńnia jaho ŭ siłu. Adnak praktyka pakazvaje, što traktoŭka takoha zakanadaŭstva ŭ represiŭnych orhanaŭ časta advolnaja.
