Nadvorje ŭ druhi dzień tydnia vyznačać atmaśfiernyja franty, jakija ssoŭvajucca z Zachodniaj Jeŭropy i niasuć ciapło. Nočču, ranicaj i dniom na bolšaj častcy Biełarusi čakajecca hałalod, a na darohach — hałalodzica.
Udzień, jak paviedamlałasia, paciapleje, u Minsku budzie +1°C.
U sieradu taksama budzie ciopła. Biełaruś budzie ŭ zonie ŭpłyvu atmaśfiernaha frontu i bolš ciopłych vilhotnych pavietranych mas z paŭdniovych šyrot. Jany pryniasuć apadki ŭ vyhladzie mokraha śniehu i daždžu.
Na darohach budzie ślizka. Unačy prahnazujuć da minus 5°C, dniom — kala 0°C.
Druhaja pałova tydnia budzie charaktaryzavacca pachmurnym nadvorjem, čakajecca karotkačasovy doždž, mokry śnieh.
Nočču i ranicaj prahnazujecca tuman, bačnaść da paŭkiłamietra. Miescami na darohach budzie ślizka. U čaćvier unačy paciapleje, čakajecca ad -1 da +3°C, dniom — kala 0°S, u piatnicu — 0… +3°C.
U vychadnyja nadvorje istotna nie źmienicca, bo atmaśfiernymi pracesami praciahnuć kiravać ciopłyja vilhotnyja pavietranyja masy z paŭdniovych šyrot.
