«Taksama na Staŭcy [u niadzielu Zialenski pravioŭ staŭku viarchoŭnaha hałoŭnakamandujučaha] padrabiazna abmierkavali hranicu. Abarona hranicy jak z Rasijaj, tak i ź Biełaruśsiu — heta taksama pastajanny pryjarytet. Rychtujemsia da ŭsich mahčymych abarončych scenaroŭ.

Chto b i da čaho ni schilaŭ Minsk, heta im taksama nie dapamoža, jak i ŭsie inšyja chvoryja idei ŭ hetaj vajnie suprać Ukrainy i ŭkraincaŭ», — skazaŭ Zialenski.

Akramia hetaha, jon znoŭ źviarnuŭsia da partnioraŭ Ukrainy z prośbaj dapamahčy poŭnaściu abaranić ŭkrainskaje nieba srodkami SPA.

Raniej kamandujučy Abjadnanymi siłami USU hienierał-lejtenant Siarhiej Najeŭ zajaviŭ, što padčas vizitu prezidenta RF Uładzimira Pucina ŭ Biełaruś havorka pojdzie pra bolš šyrokaje pryciahnieńnie ŭzbrojenych siłaŭ Biełarusi da vajny suprać Ukrainy, u tym liku na sušy.

Клас
13
Панылы сорам
1
Ха-ха
4
Ого
0
Сумна
0
Абуральна
1