Pra heta ŭ sacsietkach paviedamiŭ adzin ź miascovych žycharoŭ.
Bolšaść byli zatrymanyja pa artykule 19.11 Kodeksa ab administracyjnych pravaparušeńniach — raspaŭsiud ekstremisckich materyjałaŭ.
Pa hetym artykule ludziej sudziać za repost u sacyjalnych sietkach infarmacyi ź niełukašenkaŭskich krynic.
U pryvatnaści, adnaho z zatrymanych zabrali za toje, što ŭ 2020 hodzie pierapościŭ navinu ź niezaležnaha telehram-kanała.
Niekatorych abvinavačvali ŭ parušeńni paradku praviadzieńnia masavych mierapryjemstvaŭ (artykuł 24.23).
Pa infarmacyi «Našaj Nivy», zatrymlivaŭ ludziej viciebski HUBAZiK pry padtrymcy połackaha AMAPu. Nahodaj dla vobšukaŭ i zatrymańniaŭ stała padpiska na telehram-čat «Brasłaŭ dla žyćcia», a taksama reposty publikacyj «Našaj Nivy» 2020 hoda.
U adździaleńnie milicyi dastaŭlali ŭ kajdankach.
