Fota ilustracyjnaje
Dniami Minabarony adkazała, što huki danosiacca z 230-ha vajskovaha palihona. Ministerstva śćviardžaje, što až dahetul praciahvajucca strelby, pra jakija Baranavicki harvykankam aficyjna paviedamlaŭ 14 kastryčnika.
Pytańnie, kali heta skončycca, Minabarony praihnaravała.
Pra strelby Baranavicki harvykankam u kastryčniku pisaŭ nastupnaje:
«U suviazi z praviadzieńniem intensiŭnych strelbaŭ na 230-m ahulnavajskovym palihonie ŭ vioscy Dzieraŭnaja Baranavickaha rajona z 17 kastryčnika 2022 hoda ŭ dzionny i načny čas buduć danosicca mocnyja huki. Znachodžańnie na terytoryi palihona zabaronienaje i ciahnie administracyjnuju adkaznaść u vyhladzie nakładańnia štrafu ŭ pamiery ad 10 da 30 bazavych vieličyń, hramadskich rabot abo administracyjnaha aryštu. Pravodzimaje mierapryjemstva płanavaje, padstaŭ dla zakłapočanaści niama».
Viadoma, adnak, što pad Baranavičami prachodzić navučańnie rasijskich mabilizavanych, jakija paśla taho pavinny adpravicca na vajnu va Ukrainie. Pra heta paviedamlali ŭ Rasii. Taksama mužčyn u vajskovaj formie z rasijskimi šaŭronami rehularna zaŭvažajuć žychary Baranavič.
