Fota: Pixabay.com
Pieršaje praviła takoje: bolš kruhłyja mandaryny saładziejšyja za bolš płoskija sarty.
Tamu hladzicie na formu: lepš brać kruhłavatyja sarty.
Pa-druhoje, hladzicie koler. Vybirajcie mandaryny z łupinaj nasyčanaha aranžavaha koleru.
Blednyja, žoŭtyja, zielenavatyja płady naŭrad ci buduć smačnymi.
Pa-treciaje, śpiełyja płady majuć vyrazny pach.
Dobry mandaryn pavinien pachnuć mandarynam.
Pa-čacviortaje, uzvažcie mandaryn u ruce.
Kali jon ciažkavaty, heta dobry znak, bo ŭ takim mandarynie šmat soku. Lohkija płady, peŭna, nie nastolki śviežyja i častkova ŭžo vysachli.
Aścierahajciesia taksama zanadta cviordych mandarynaŭ.
Lepš kuplać mandaryny na vahu, a nie fasavanyja, bo ŭ takim vypadku vy zmožacie ŭvažliva razhledzieć kožny płod. Siarod fasavanaj sadaviny časta možna sustreć paškodžanyja i cviłyja płady.
I jašče adzin napamin: pierad tym jak jeści mandaryny, pažadana ich myć. Bo, choć my ich i łupim, ź niamytych pładoŭ na ruki nam mohuć pierajści funhicydy i chimija, što vykarystoŭvalisia padčas transpartavańnia sadaviny.
Čytajcie taksama:
Jak treba zachoŭvać pradukty, kab jany daŭžej nie psavalisia
A vy b źjeli hubku dla myćcia posudu?
Što zdarycca z vašym ciełam, kali štodzień jeści hrušy
