Fota: AR
Ivanie Knoł 30 hadoŭ, u Charvatyi jana — viadomaja instahram-madel z 1,3 miljona padpisčykaŭ. Dziaŭčyna rodam z Frankfurta, a ŭ charvacki Zahrab siamja Ivany pierajechała, kali toj było siem hadoŭ. U 2016 hodzie Knoł prajšła ŭ finał konkursa pryhažości «Mis Charvatyja» i, pa niekatorych krynicach, vyjhrała jaho, paśla čaho pačałasia jaje paśpiachovaja madelnaja karjera. U dadatak da jaje Ivana maje ŭłasny biznes — jana zasnavała brend kupalnikaŭ. Što da instahrama, Knoł stała papularnaj dziakujučy svajoj zacikaŭlenaści tancam žyvata i z šastom.
Da turniru ŭ Katary dziaŭčyna naviedvała čempijanaty śvietu ŭ 2014 i 2018 hadach, ale katarski mundyjal staŭ dla jaje samym skandalnym. Reč u tym, što katarskaje ŭpraŭleńnie turyzmu raniej prasiła zamiežnych turystaŭ, jakija pryjeduć na turnir, pavažać noravy krainy: paźbiahać zanadta adkrytaha adzieńnia, prykryvać plečy i kaleni. Nie kažam pra toje, što i pastajannyja žychary i žycharki Katara musiać prytrymlivacca hetych praviłaŭ.
Na pieršuju hulniu charvackaj zbornaj — hrupavy matč z Maroka — madel apranuła doŭhuju sukienku i pakryła hałavu, praŭda, u sukiency było zaŭvažnaje dekalte. Voś hety vobraz:
Akazałasia, što heta byŭ tolki pačatak epatažu ad Ivany Knoł. Naprykład, jana vykłała videa, dzie biažyć pa plažy ŭ adnym bikini ŭ nacyjanalnych charvackich kolerach.
I chacia ŭ Katary jość plažy, dzie tak chadzić dazvalajecca, takaja padtrymka kamandy vyklikała vialiki chiejt u bok dziaŭčyny. U kamientarach da pravakacyjnych kadraŭ šmatlikija karystalniki abvinavačvajuć Ivanu, što joj nie chapaje pavahi da Katara i jaho kultury i što jana hańbić svaimi pavodzinami Charvatyju. Dy i Knoł pravakuje ŭvahu nie tolki na plažach jeŭrapiejskaha ŭzoru — voś, naprykład, jaje špacyr prosta na fonie katarskich chmaračosaŭ:
Praŭda, usio heta tolki prynosić dziaŭčynie novych padpisčykaŭ u instahramie. Ivana nie dumaje spyniacca i na krytyku ŭ svoj adras adkazvaje krytykaj u bok arhanizataraŭ turniru: «Heta katastrofa! Mnie škada ŭsich ludziej, jakija nie zmohuć pajechać na čempijanat śvietu pa futbole z-za najhoršaj arhanizacyi ŭ historyi. Zrazumieła, čamu tak šmat ludziej nie pažadali ŭdzielničać u hetym cyrku!»
Fota: AR
Pavodle Ivany, kali jana pračytała praviły pavodzin u musulmanskaj krainie, zrazumieła, što ŭ jaje harderobie prosta niama adzieńnia, jakoje b prykryvała ŭsio, što treba. Tak što dziaŭčyna praciahvaje epaciravać katarcaŭ, nie zvažajučy na toje, što za takija pavodziny ŭ hetaj krainie moža atrymać vializnyja štrafy ci navat trapić u turmu.
Vyhladaje, što miascovyja narešcie źmirylisia ź jaje stylem adzieńnia, zacikavilisia jarkaj zaŭziatarkaj i tamu fatahrafujuć jaje:
Ale futbolnaje vydańnie Marca spasyłajecca na katarskaha bizneśmiena Machamieda Chasana El-Džefajry, jaki padzialiŭsia ŭ sacsietkach mierkavańniem, što katarcy fatahrafujuć Ivanu nie praz zachapleńnie jaje pryhažościu, a chutčej kab paviedamić u naležnyja słužby pra nieprystojna apranutuju inšaziemku.
Tym časam zbornaja Charvatyi ŭžo kročyć u čverćfinał ČS — čym nie padstava dla Ivany Knoł vyhulać novy jarki ŭbor?
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Top-11 samych haračych futbalistaŭ čempijanatu śvietu (+ łaŭka zapasnych i trenier)
Markus Rešfard, hieroj matča Anhłija—Uels i čałaviek ź ciažkim dziacinstvam
Miemy, zdrada i pryčoska: hety francuz dvojčy zabiŭ Aŭstralii, ale prasłaviŭsia nie tolki futbołam
moj lubimyj Dizajnier?
tohda proŝaju.
v inom słučaje - niet.