Skryn videa

Skryn videa

Z adździeła palicyi Niekahłaja pavieźli ŭ Centr časovaha ŭtrymańnia zamiežnych hramadzian u pasiołku Sacharava, a zatym vypravadzili z Rasii ŭ Małdovu, hramadzianinam jakoj błohier źjaŭlajecca.

Heta historyja adbyłasia z-za parodyi na videa z rasijskim sałdatam, jaki vykidvaŭ z akopa skinutyja z drona hranaty.

Pa słovach Lebiedzieva, 9 listapada jaho dastavili z suda ŭ AUS pa Preśnienskim rajonie Maskvy, dzie «zakryli ŭ KPZ». 

Kala siami hadzin viečara da jaho pryjšli siłaviki, jakija ŭdzielničali ŭ zatrymańni (ich dakładnaje miesca słužby nieviadoma), i prapanavali zapisać videa z prabačeńniami. Małady čałaviek kaža, što spačatku adžartoŭvaŭsia, ale potym pryjšli supracoŭniki palicyi, jakija zakavali jaho ŭ kajdanki i paviali na čaćviorty pavierch AUS.

Tam, u nievialikim kabiniecie, jaho pavalili na ziamlu i pačali źbivać rukami i nahami, skakać na im. 

Niekahłaj kaža, što prapanoŭvaŭ palicyjantam pa miljonie rubloŭ, ale tyja praciahvali źbivać jaho. Spačatku jany zdymali praces źbićcia na smartfon, zatym raspranuli dahała i zapatrabavali, kab małady čałaviek sieŭ na litrovuju butelku Coca-Cola.Jon admoviŭsia, i tady palicyjanty pasprabavali ŭstavić jaje siłaj, ale Lebiedzieŭ praciahvaŭ supraciŭlacca. 

«Ja hublaŭ niekalki razoŭ prytomnaść na paru siekund», — raspaviadaje jon. Pry hetym jaho staralisia nie bić pa tvary, kab nie zastałosia zaŭvažnych śladoŭ.

U vyniku palicyjanty prapanavali Lebiedzievu zasunuć butelku ŭ anus samastojna; jon zrabiŭ vyhlad, što robić heta. 

«Usia padłoha ŭ majoj kryvi, majoj vanitach, ja blavaŭ ad stresu, ad šoku, ad udaraŭ pa nyrkach, pa žyvacie, usia hałava była akryvaŭlenaja ad udaraŭ pa patylicy, ad taho, što ja drapaŭsia ab šafu», — apisvaje jon toj viečar i pakazvaje daviedku z traŭmapunkta z dyjahnazam: «Množnyja hiematomy, ranki vałasistaj častki hałavy, tvaru, šyi, vierchnich i nižnich kaniečnaściaŭ».

Źniaŭšy epizod z butelkaj na videa, palicyjanty prymusili jaho zapisać rolik z vybačeńniami, zatym prynieśli brytvu i nažnicy. Vałasy na hałavie Niekahłaja spačatku prosta vyryvali rukami, zatym stali halić, pakidajučy parezy.

Lebiedzieva, jaki mieŭ hramadzianstva Małdovy, zatrymali ŭ Maskvie 9 listapada. U toj ža dzień jaho aštrafavali z-za «parušeńnia praviłaŭ znachodžańnia» (častka 3.1 artykuła 18.8 KaAP). Paźniej źjaviłasia videa z vybačeńniami, na jakim Niekahłaj z paholenaj hałavoj kaža, što «adčuvaje siabie, jak žyvioła». 24 listapada jaho vypravadzili z krainy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?