Hastomiel. Fota: AR

Hastomiel. Fota: AR

▪ Rasija płanavała zachapić Ukrainu za 10 dzion i padrychtavać anieksiju da žniŭnia (simvalična, bo ŭ žniŭni Dzień niezaležnaści Ukrainy).

▪️ Rasijskaja kontrvyviedka padrychtavała śpisy:

1) ukrainskich hramadzian, jakija pavinny być fizična likvidavanyja;

2) represavanyja;

3) niejtrałaŭ, jakich možna było b schilić da kałabaracyjanizmu;

4) kałabarantaŭ.

▪️ Prezidenta Zialenskaha i vyšejšaje kiraŭnictva Ukrainy płanavałasia zabić. Členaŭ urada — pasadzić. Prarasijskija parłamientaryi pavinny byli sfarmiravać «Ruch za mir».

▪️ Atamnyja elektrastancyi płanavałasia vykarystoŭvać jak bazy, depo i kamandnyja centry, kab u vypadku čaho pahražać Jeŭropie zabrudžvańniami.

▪ Zachop Kijeva płanavałasia ažyćciavić za košt adciahnieńnia ŭkrainskich sił na inšych napramkach. Adciahvalny manieŭr atrymaŭsia: na poŭnačy ad Kijeva rasijskija vojski dasiahnuli pieravahi ŭ kolkaści 12 da 1.

▪ Ukrainskaja vyviedka ličyła, što asnoŭny ŭdar budzie naniesieny na Danbasie, a nastup na Kijeŭ budzie adciahvalnym manieŭram. Jana pieršapačatkova paličyła, što rasijskich vojskaŭ na poŭnačy budzie niedastatkova, kab efiektyŭna akružyć i izalavać horad.

Buča. Fota: AR

Buča. Fota: AR

▪️ Ukraincaŭ źbili z pantałyku i pierachopy razmoŭ rasijskich vajskoŭcaŭ u biełaruskim Homieli: jany sami ničoha nie viedali pra płany, nie mieli ŭjaŭleńnia, što adpraŭlajucca na vajnu, i nie byli hatovyja da bujnych bajavych apieracyj.

▪ Ale nievydavańnie infarmacyi ab płanach kamandavańnia US RF svaim vajskoŭcam, u svaju čarhu, pryviało da taho, što rasijskija vojski byli nie hatovyja vykonvać płan efiektyŭna.

▪️ Płan uvarvańnia stvaraŭsia nievialikaj hrupaj vyšejšych asob na čale z Pucinym. Ale da svaich padnačalenych jany danieśli płan tolki za niekalki dzion da ŭvarvańnia. A da taktyčnych bajavych adzinak — tolki za niekalki hadzin. Naturalna, jany nie paśpieli ni da čaho padrychtavacca.

▪️ U rasijskaha kamandavańnia nie było nijakaha zapasnoha płana na vypadak, kali niešta pojdzie nie tak. Heta stała klučavoj pamyłkaj. Kali chutkaść ŭvarvańnia stała prykmietna adstavać ad płana, stanovišča rasijskich vojskaŭ pastupova pačało paharšacca, u toj čas jak Ukraina mabilizavałasia.

▪️ Inšaj bujnoj pamyłkaj Rasii stała niedaacenka kolkaści ukraincaŭ z bajavym vopytam i zdolnaści Ukrainy pravieści mabilizacyju. Akazałasia, što za vosiem hadoŭ vajny praz zonu ATA prajšło mnostva reziervistaŭ i jany ŭvieś čas pravodzili ratacyju.

▪ ️Niedaacenienaj akazałasia i kolkaść ukrainskaj artyleryi. Z sakavika 2014 hoda Ukraina sfakusavałasia na adnaŭleńni svaich artyleryjskich zdolnaściaŭ, za hety čas joj udałosia sfarmiravać piać artyleryjskich bryhad i asobny artyleryjski połk plus jašče adnu artyleryjskuju bryhadu i adzin połk ukrainskich VMS.

▪️ U vyniku pieravaha RF u artyleryi na rańnim etapie vajny nie była takoj značnaj: 2433 artyleryjskich stvałoŭ suprać 1176; 3547 RSZA suprać 1680.

▪ Z 2014 hoda rasijskija dyviersanty źniščyli 210 tysiač ton ukrainskich bojeprypasaŭ. Jašče 70 tysiač ton byli raschodavanyja za vosiem hadoŭ vajny. Ukrainskich bojeprypasaŭ chapała na 6 tydniaŭ intensiŭnych bajoŭ.

▪ Pry hetym usie ŭkrainskija artyleryjskija padraździaleńni byli zabiaśpiečanyja bieśpiłotnikami, a taksama elektronnaj taktyčnaj sistemaj «Krapiva». Heta pavialičyła chutkaść razhortvańnia na 80%, čas źniščeńnia niezapłanavanaj mety — na 66%, čas na adkryćcio kontrbatarejnaha ahniu — na 90%.

▪ Kali stała jasna, što ŭvarvańnie budzie z terytoryi Biełarusi, za siem hadzin da ŭvarvańnia Ukraina addała zahad pieradysłacyravać svaje vojski na poŭnač. Viadoma, heta było pozna. Mnohija vojski nie dabralisia i nie paśpieli padrychtavać pazicyi. Ukrainskim vojskam daviałosia pryniać sustrečny boj.

▪️ Takim čynam, Rasii ŭdałosia zavałodać inicyjatyvaj na apieratyŭnym uzroŭni. Ale na taktyčnym rasijskija vajskoŭcy, jak havaryłasia raniej, byli ździŭlenyja addadzienym im zahadam.

Buča. Fota: AR

Buča. Fota: AR

▪️ Ukraina była ździŭlenaja dziejańniami Rasii na apieratyŭnym uzroŭni. Ale na taktyčnym vajskoŭcy USU byli kudy lepš padrychtavany, bo vajavali ŭžo vosiem hadoŭ. Heta i vyrašyła zychod pieršych 72 hadzin vajny.

▪ Užo na druhi dzień uvarvańnia ŭkrainskija aficery stali atrymlivać šmatlikija paviedamleńni z zaklikam Pucina nie supraciŭlacca i składać zbroju. Hetaja sproba ŭździejničać z dapamohaj IPSA pravaliłasia, i heta pakazvaje, nakolki Rasija niedaacaniła nastroj ukrainskaj armii.

▪ Drenna i niesvoječasova prainstruktavanyja rasijskija vojski nie mieli vyraznaha razumieńnia svajho płana na taktyčnym uzroŭni. Kamandziry siaredniaha źviana nie razumieli svajoj roli ŭ ahulnaj zadumie vyšejšaha kamandavańnia.

▪️ Heta nie značyć, što kamandziry siaredniaha źviana byli biezynicyjatyŭnymi i nie zdolnymi da pryniaćcia rašeńniaŭ. U ich nie było paŭnaty infarmacyi dla pryniaćcia rašeńniaŭ.

▪ Asobnym rasijskim padraździaleńniam addavali zahady ruchacca kałonaj z punkta «A» ŭ punkt «B» mima ŭkrainskich vojskaŭ. Časam heta pryvodziła da taho, što jany prybyvali ŭ punkt pryznačeńnia navat bieź nieabchodnaha ŭzbrajeńnia. Jany nie čakali, što im daviadziecca ŭstupić u žorstki boj.

▪️ Šmat što było skazana i ab prablemach z palivam, bojeprypasami, kamunikacyjami, ježaj i kartami. Byvała tak, što rasijskija padraździaleńni navat nie razumieli, dzie jany znachodziacca.

▪️ Heta dapamahała ŭkrainskamu płanu abarony: jon palahaŭ u zavablivańni rasijskich vojskaŭ na peŭnyja pazicyi, dzie jany źniščalisia kancentravanym artyleryjskim ahniom.

▪️ Ale kolkasnaja pieravaha 12 da 1 na poŭnačy ŭsio roŭna niesła pahrozu na peŭnych učastkach. U pryvatnaści, u Čarnihavie 1-ja tankavaja bryhada apynułasia całkam akružanaj biez padtrymki piachoty. U vyniku kruhavuju abaronu zaniała terabarona i śpiecham sabranyja reziervisty.

▪️ Z 2014 hoda Ukraina zmahła abnavić 500 tankaŭ, usiaho na ŭzbrajeńni ŭ jaje było 900. U Rasii było 2800 + 400 tankaŭ jaje proksi-vojskaŭ («ŁDNR»). Asnoŭnym ukrainskim tankam byŭ T-64, choć T-72 i T-80 taksama vykarystoŭvalisia.

▪️ Ale akazałasia, što ŭkrainskija tankisty našmat lepš navučanyja. Ukraincy dobra vałodali taktykaj niepramoha ahniu (viadzieńnia ahniu pa celach, jakija znachodziacca pa-za pramoj bačnaściu z ahniavoj pazicyi, supraćlehłaściu źjaŭlajecca stralba pramoj navodkaj). Za vosiem hadoŭ vajny jany adtačyli hetyja navyki.

Charkaŭ. Fota: AR

Charkaŭ. Fota: AR

▪ U tym ža Čarnihavie ŭkraincam dapamahła i lasistaja miascovaść, jakaja skavała pieramiaščeńni rasijskich vojskaŭ i pieraškodziła im zadušyć masaj.

▪️ Dapamoh i palepšany aŭtamat zaradžańnia, jaki pavyšaŭ chutkastrelnaść ukrainskich T-64. U vyniku lasnych bajoŭ na karotkaj dystancyi ŭ 100-200 mietraŭ ukraincam udałosia ŭziać vierch.

▪️ Na treci dzień rasijskamu kamandavańniu stała vidavočna, što ich płan daŭ surjoznuju raskolinu. Rasijskija suchaputnyja vojski zatarmazili, sustreŭšy žorstkaje supraciŭleńnie.

▪️ Pravalilisia i sproby rasijskich śpiecsłužbaŭ niejtralizavać ukrainskaje palityčnaje kiraŭnictva — krytyčny elemient płana. Ukrainskim SSA i kontrvyviedcy ŭdałosia identyfikavać, izalavać i źniščyć pranikalnyja hrupy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?