Płakat, vyviešany ŭ Adesie napiaredadni Dnia niezaležnaści Ukrainy. Fota: Dziaržaŭnaje biuro rasśledavańniaŭ
Jak dakazaŭ sud, žychar Adesy paśla poŭnamaštabnaha rasijskaha ŭvarvańnia pačaŭ vieści ŭ Adesie padryŭnuju dziejnaść. 22 žniŭnia 2022 hoda jon raźmiaściŭ na adnym z žyłych damoŭ Adesy ściah Rasii z nadpisam: «Adesa — ruski horad», a fota pieradaŭ rasijanam dla vykarystańnia ŭ prapahandysckich materyjałach. Taksama mužčyna źbiraŭ i pieradavaŭ infarmacyju ab USU i vajskovych abjektach u Adesie, źviestki adnosna ŭkrainskich patryjotaŭ, vierbavaŭ byłych ukrainskich pravaachoŭnikaŭ.
Taksama abvinavačany, pa źviestkach śledstva, płanavaŭ vykraści patryjatyčna nastrojenaha pradprymalnika Adesy, jaki zajmaŭsia vałanciorskaj dziejnaściu, i abstalavaŭ u padvale katoŭniu, kab patrabavać ź jaho hrošy. Kurataram z FSB raspaviadałasia, što heta chočuć zrabić, kab destabilizavać situacyju ŭ Adesie, a paśla zachopu horada abmianiać pradprymalnika na rasijskich pałonnych.
Zatrymańnie asob, abvinavačanych u dziaržaŭnaj zdradzie. Fota: Dziaržaŭnaje biuro rasśledavańniaŭ
Adesita zatrymali ŭ kancy vieraśnia. Ciapier jaho pryznali vinavatym u dziaržaŭnaj zdradzie, kałabaracyjnaj dziejnaści i vykradańni čałavieka.
