Pirožnaje «Lohkaje śmietankovaje» («Vozdušno-ślivočnoje»)

Pirožnaje «Lohkaje śmietankovaje» («Vozdušno-ślivočnoje»)

«Ratuje ad stresaŭ miehapolisa»

Dla minčanki Kaciaryny pirožnaje «Lohkaje śmietankovaje», jakoje vyrablaje minski Chlebazavod №3, — heta biudžetny varyjant viadomaha desiertu «Paŭłova».

«Zrazumieła, što smak nie adzin i toj ža, ale ž padobna. Duža lublu spałučeńnie chrustka-lohkaj tekstury z dalikatnaściu miakkaha śmietankovaha kremu. Źniešnie nahadvaje niešta śniežnaje, asacyjujecca z navahodnimi śviatami», — raskazvaje Kaciaryna pra svaju luboŭ da «Lohkaha śmietankovaha».

Hetyja pirožnyja minčanka spažyvaje, kali doza sałodkaha musić vyratavać jaje ad stresaŭ miehapolisu. Chacia b časova.

«U situacyi ekanamičnaha kryzisu ŭsio čaściej zhadvaju paradu nibyta Maryi-Antuanety francuzskim biedniakam. «Kali ŭ ich niama chleba, to niachaj jaduć pirožnyja!» I hetyja pirožnyja — nie samy drenny varyjant».

Jak na draždžach

Za paŭtara hoda nazirańniaŭ za ceńnikam pirožnaha «Lohkaje śmietankovaje» cana vyrasła na 78,6% (u pieraliku za kiłahram). 

Pieršaje fota — za travień 2021 hoda. U kafe pry znakamitaj minskaj kramie «Karavaj», dzie pradajecca pradukcyja naŭprost ad vytvorcy ź minimalnymi nadbaŭkami, hety desiert možna było nabyć za 77 kapiejek za štuku, ci 15,4 rubla za kiłahram. 

Źleva — ceńnik za maj 2021 h., sprava — za kastryčnik 2021 h.

Źleva — ceńnik za maj 2021 h., sprava — za kastryčnik 2021 h.

24 listapada 2022 hoda pirožnaje ŭ tym ža «Karavai» kaštavała 1 r. 65 k. za štuku (a vaha vyrasła na 10 hramaŭ), ci 27,5 rubla za kiłahram.

Źleva — ceńnik za maj 2022 h., sprava — za lipień 2022 h.

Źleva — ceńnik za maj 2022 h., sprava — za lipień 2022 h.

Takim čynam, za paŭtara hoda nazirańniaŭ cana pirožnaha «Lohkaje śmietankovaje» paśpieła vyraści amal udvaja: z 15,4 da 27,4 rubla za kiło. Z kanca kastryčnika rost spyniŭsia — ilustracyja taho, što adbyvajecca z cenaŭtvareńniem ahułam pa krainie. 

Ceńnik na listapad

Ceńnik na listapad

Ekanamičny rekord

U kastryčniku ŭ Biełarusi było zafiksavanaje histaryčnaje źnižeńnie indeksa spažyvieckich cen. Upieršyniu z 1991 hoda pakazčyk straciŭ bolš za 1% u adnosinach da papiaredniaha miesiaca.

Asnoŭnaj pryčynaj stała dziaržrehulavańnie cen na praciahu ŭsiaho łancuha vytvorčaści.

6 kastryčnika Łukašenka zabaraniŭ pavyšać ceny. 19 kastryčnika ŭłady Biełarusi ŭviali novyja praviły i abmiežavańni. Ciapier pavyšać ceny možna tolki z dazvołu ŭładaŭ. 

U toj ža čas u kastryčniku zachavaŭsia rost cen na małako i vyraby ź jaho, syry i kurynyja jajki (na 0,8% pa kožnaj z hrup). Značyć, i zhadanaje vyšej pirožnaje musiła padaražeć, bo maje ŭ sastavie cukar, zhuščanaje małako, jaječny białok i śmietankovaje masła.

Adnak nivodnaj kapiejki da raniejšaj cany nie dadałosia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?