Prafiesar Džon Śpikmen, adzin z aŭtaraŭ daśledavańnia, u razmovie ź Bi-bi-si skazaŭ: «Pieršapačatkovaje vymiareńnie dzionnaj patreby ŭ dva litry — heta vynik nievialikaj pamyłki. Vada, jakuju my pavinny pić, — heta roźnica pamiž ahulnaj dzionnaj patrebaj i tym, što my atrymlivajem ź ježaj».

«Vadkaść, atrymanuju ź ježaj, vymiarali, pytajučysia ludziej, kolki jany jaduć. Adnak ludzi, jak praviła, kažuć, što jaduć mienš, čym u realnaści, i tamu ŭ raźliku pamyłka, a kolkaść vady, jakuju treba pić, pieraaceńvajecca», — kaža Śpikmen.

U novym daśledavańni abarot vady ŭ čałaviečym ciele ŭdałosia paličyć bolš dakładna z dapamohaj technałohii, u jakoj prymianiajucca stabilnyja izatopy.

U daśledavańni pryniali ŭdzieł 5604 čałavieki z 23 krain va ŭzroście ad vaśmi dzion da 96 hadoŭ.

Udzielniki padčas ekśpierymientu vypivali šklanku vady, u jakoj niekatoryja z malekuł vadarodu byli zamienieny na stabilny izatop dejteryj.

Dejteryj vypracoŭvajecca ŭ ciele čałavieka i absalutna biasškodny.

Pa chutkaści, ź jakoj dejteryj vychodziŭ potym z arhanizma ŭdzielnikaŭ daśledavańnia, zamiarali chutkaść abarotu vady ŭ ich ciele.

Hetaja chutkaść va ŭsich ludziej roznaja, i tamu dakładnaja dzionnaja norma vady svaja ŭ kožnaha čałavieka. Naprykład, vada ŭ ciele chutčej abnaŭlajecca ŭ tych, chto žyvie ŭ haračym i vilhotnym klimacie, u vysakahorji, a taksama ŭ spartsmienaŭ, ciažarnych i žančyn, jakija kormiać.

Samy važny faktar, jaki vyznačaje chutkaść abarotu vady ŭ ciele, — heta kolkaść vydatkavanaj enierhii. Samy vysoki hety faktar u mužčyn va ŭzroście 20-35 hadoŭ, za dzień ź ich cieła vychodzić u siarednim 4,2 litra vady.

Z uzrostam hety abjom padaje, i ŭ mužčyn, jakim pad 90 hadoŭ, apuskajecca prykładna da 2,5 litraŭ.

U vypadku žančyn — va ŭzroście 20-40 hadoŭ havorka idzie pra 3,3 litra vady ŭ dzień, a k 90 hadam i ŭ ich dzionny abjom vadkaści, što vychodzić ź cieła, padaje da 2,5 litraŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?