24.11.2022
/ 17:13 / Ałharytmičny łacinski varyjant
Mahiloviec zapłaciŭ harderobščycy za «zhubleny» numarok i zabraŭ čužuju kurtku
Niezvyčajny kradziež adbyŭsia ŭ adnym z načnych kłubaŭ Mahilova, paviedamlaje pres-słužba abłasnoha UUS. 22-hadovy žychar horada źviarnuŭsia da harderobščycy z prośbaj vydać jamu adzieńnie, ad jakoha jon nibyta zhubiŭ numarok. I jamu heta ŭdałosia, choć byli dadatkovyja niuansy.
Fota ilustracyjnaje
Žančyna prapanavała chłopcu apłacić košt žetončyka ŭ kasie. Patraciŭšy nievialikuju sumu, chłopiec atrymaŭ dostup da harderoba i vynies ź jaho kurtku.
Harderobščyca pry hetym nie źviarnuła ŭvahi, što chłopiec zabraŭ žanočuju vopratku, choć zajaŭlaŭ, što zhubiŭ žetončyk ad svajoj. U vyniku 19-hadovaja dziaŭčyna, jakaja adpačyvała ŭ tym samym kłubie, straciła svaju reč koštam u 500 rubloŭ.
Zaviedzienaja kryminalnaja sprava.
Nashaniva.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
