24.11.2022
/ 09:16 / Ałharytmičny łacinski varyjant
Pradstaŭnik RF u AAN zajaviŭ, što Rasija praciahnie atakavać cyvilnyja abjekty Ukrainy, pakul taja nie siadzie za stoł pieramovaŭ
«My nanosim ŭdary pa infrastrukturnych abjektach va Ukrainie ŭ adkaz na našpihoŭvańnie hetaj krainy zachodniaj zbrojaj i biezrazvažnyja zakliki Kijeva atrymać vajennuju pieramohu nad Rasijaj», — zajaviŭ Vasil Niabienzia na ekstrannym pasiadžeńni Rady Biaśpieki AAN, sklikanym pa inicyjatyvie Ukrainy z-za novych masiravanych abstrełaŭ infrastruktury.
Pa słovach Niabienzi, rasijskija vojski praciahnuć nanosić udary, pakul Kijeŭ nie zojmie «realistyčnuju pazicyju» i nie vierniecca za stoł pieramovaŭ. Pry hetym jon nie tłumačyć, jak udary pa cyvilnaj infrastruktury adbivajucca na bajazdolnaści USU.
Pradstaŭnik RF taksama ŭskłaŭ na Ukrainu adkaznaść za achviary siarod mirnych žycharoŭ, zajaviŭšy, što «abłomki rakiet abo rakiety, jakija źbilisia z kursu, traplajuć u tyja abjekty, u jakija Rasija nie celiłasia».
Nashaniva.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
