U śniežni 2020 hoda byli pryniatyja papraŭki ŭ Padatkovy kodeks. U abnoŭlenym kodeksie byli pieraličanyja «dadatkovyja zachady pa kansalidacyi dachodaŭ biudžetu dla baraćby z COVID-19» (dadatak № 27, artykuł 3). Siarod ich — pavieličeńnie staŭki padachodnaha padatku dla rabotnikaŭ-rezidentaŭ PVT i «Vialikaha kamienia».

Zachady rabilisia na dva hady — ad 1 studzienia 2021 hoda da 1 studzienia 2023 hoda.

***

Artykuł 3. U metach pryniaćcia dadatkovych zachadaŭ pa kansalidacyi dachodaŭ biudžetu dla baraćby z COVID-19 vyznačyć, što ad 1 studzienia 2021 h. da 1 studzienia 2023 h.:

3. Dachody fizičnych asob, atrymanyja na praciahu kalandarnaha hoda pavodle pracoŭnych dahavoraŭ ad rezidentaŭ Parka vysokich technałohij, rezidentaŭ Kitajska-Biełaruskaha industryjalnaha parka «Vialiki kamień» i (abo) sumiesnaj biełaruska-kitajskaj kampanii pa raźvićci Kitajska-Biełaruskaha industryjalnaha parka «Vialiki kamień», abkładajucca padachodnym padatkam ź fizičnych asob pavodle staŭki trynaccać (13) pracentaŭ.

***

Tady Minfin paličyŭ, što ŭ 2021 hodzie ad pavyšeńnia padatkaŭ dla ajcišnikaŭ biudžet atrymaje 170 młn rubloŭ (pavodle acenak dev.by — 64-74 młn dołaraŭ). 

U prajekcie źmien u Padatkovy kodeks, jaki vyvučyła redakcyja, viadziecca havorka pra padatkovym režym 13% jašče na 2 hady, užo biez kavidnaj matyvacyjnaj častki:

Art. 5 p. 12

Ad 1 studzienia 2023 h. da 1 studzienia 2025 h.:

12.3. dachody fizičnych asob, atrymanyja na praciahu kalandarnaha hoda pavodle pracoŭnych dahavoraŭ ad rezidentaŭ Parka vysokich technałohij, rezidentaŭ Kitajska-Biełaruskaha industryjalnaha parka «Vialiki kamień» i (abo) sumiesnaj biełaruska-kitajskaj kampanii pa raźvićci Kitajska-Biełaruskaha industryjalnaha parka «Vialiki kamień», abkładajucca padachodnym padatkam ź fizičnych asob pavodle staŭki 13%.

Novy prajekt źmien u Padatkovy kodeks byŭ pryniaty ŭ pieršym čytańni Pałataj pradstaŭnikoŭ. Ciapier jaho maje pryniać Rada Respubliki i padpisać Alaksandr Łukašenka.

Pakul nielha śćviardžać, što prajekt budzie pryniaty mienavita ŭ takim vyhladzie — pačakajem finalnuju viersiju kodeksa, pryniatuju na ŭsich uzroŭniach, u adkrytym dostupie.

U PVT pakul nie kamientujuć pierśpiektyŭ ilhotnaj staŭki.

Nahadajem, u 2022 hodzie adzin z padatkaŭ dla rezidentaŭ PVT — adličeńnie ŭ fond Parka — časova pavyšali ad 1 da 2% na praciahu kvartała, a zatym viarnuli da pieršapačatkovaha značeńnia. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?