Fota: AP
Pa słovach surazmoŭcaŭ vydańnia, u ZŠA niama nijakich raźviedvalnych danych, jakija dazvalajuć vykazać zdahadku, što takaja ataka va Ukrainie nieminučaja. Mnohija pradstaŭniki Ministerstva abarony ZŠA ličać, što ŭ zimovyja miesiacy bajavyja dziejańni zamarudziacca, i nivodny z bakoŭ nie zmoža advajavać značnyja terytoryi.
Ale ŭ vypadku praciahu strat na poli boju abo poŭnaha razvału rasijskaj armii niekatoryja vysokapastaŭlenyja čynoŭniki, jakija zajmajucca hetym pytańniem, miarkujuć,
što Maskva moža źviarnucca da vykarystańnia chimičnaj zbroi — u tym liku toj, jakuju źviazvajuć z atručvańniem apazicyjaniera Alaksieja Navalnaha.
Sa słoŭ adnaho z čynoŭnikaŭ, u takoj atacy mohuć być vykarystanyja rečyvy, jakija lohka schavać, što abciažaryć uskładańnie viny na Maskvu.
Pa słovach čynoŭnikaŭ i ekśpiertaŭ, niekatoryja chimikaty mohuć być vykarystany dla napadu z masavymi achviarami — ich možna pieratvaryć u aerazol abo vykarystoŭvać u bojeprypasach dla naniasieńnia škody vialikaj hrupie ludziej.
Rada nacyjanalnaj biaśpieki ZŠA admoviłasia ad kamientaroŭ.
ZŠA miarkujuć, što Rasija ŭkładaje srodki ŭ naroščvańnie svajho patencyjału chimičnaj zbroi. Pa słovach pamočnika člena Kanhresa, ź jakim pahavaryli žurnalisty Politico, vosieńniu hetaha hoda sienatary byli prainfarmavanyja ab zapasach chimičnaj zbroi ŭ Rasii i isnujučaj u suviazi z hetym pahrozie Ukrainie.
