Stała viadoma, što 1 listapada ŭ sudzie Savieckaha rajona Homiela razhledzieli spravu Mikałaja Kacura. Suddzia Alaksandr Mocharaŭ pryznaŭ jaho vinavatym pavodle art. 369-1 (dyskredytacyja Respubliki Biełaruś) Kryminalnaha kodeksa i ahučyŭ vyrak: 1,5 hoda pazbaŭleńnia voli ŭ kałonii ahulnaha režymu. Taksama jon musić vypłacić štraf u pamiery 100 bazavych vieličyń (3200 rubloŭ), piša «Viasna».
Mužčynu pryznali vinavatym u tym, što jon stvaryŭ i raźmiaściŭ u supołcy «Silnyje novosti» u sacsietcy «Vkontaktie» infarmacyju, jakaja «dyskredytuje Biełaruś». Viadoma, što jana ŭtrymlivała słovy «hopota» i «łomiťsia».
Pakolki Kacur da suda ŭžo całkam adbyŭ pryznačany jamu termin, Mikałaja vyzvalili ŭ zale suda.
