«Uvieś dzień praciahvajecca likvidacyja nastupstvaŭ čarhovaj rakietnaj ataki suprać Ukrainy. Znoŭ avaryjnyja adklučeńni śviatła, — skazaŭ jon. — Robim usio, kab narmalizavać elektrazabieśpiačeńnie».
Pavodle jaho źviestak, najbolš ciažkaja situacyja ŭ Vińnickaj, Adeskaj, Sumskaj abłaściach, a taksama ŭ Kijevie.
«U Dniapry dziasiatki ludziej paranienyja ŭ vyniku rakietnaha ŭdaru. U Zaparožžy praciahvajecca razbor zavałaŭ žyłoha doma, jaki byŭ źniščany rasijskim abstrełam napiaredadni ŭnačy. Papiarednie zahinuli siem čałaviek, na žal, heta kolkaść moža pavialičycca».
Zialenski znoŭ źviarnuŭsia da krain Zachadu z prośbaj dapamahčy abaranić Ukrainu ad rasijskich rakietnych udaraŭ.
«Znoŭ i znoŭ paŭtarajem našym partnioram, što tolki poŭnaja abarona ŭkrainskaha nieba źbieraže i Ukrainu, i Jeŭropu ad eskałacyi rasijskaj ahresii i dakładna budzie padšturchoŭvać Rasiju da sapraŭdnaha spynieńnia vajny».
