Zastaŭka telehram-kanała «Rybar»
Sami stvaralniki «Rybaria» ŭ sakaviku 2020 hoda śćviardžali, što ich dvoje, a siabie apisvali tak:
«Vajskovy pierakładčyk — śpiecyjalist pa OSINT'y i palittechnołah, pradstaŭnik staradaŭniaj arystakratyi».
The Bell śćviardžaje, što ŭstanaviła asobu adnaho z hetych ludziej — «palittechnołaha, pradstaŭnika staradaŭniaj arystakratyi». Jaho zavuć Dzianis Ščukin — heta 44-hadovy maskoŭski prahramist. U 2001 hodzie jon atrymaŭ hramadzianstva Rasii zamiest hramadzianstva FRH u konsulskim addziele MZS Rasii ŭ Kyrhyzstanie.
The Bell źviazaŭsia sa Ščukinym praź jaho telehram-akaŭnt, ale na pytańni pra stvaralnikaŭ i aŭtaraŭ «Rybaria» i pracu kanała jon nie adkazaŭ, choć svajho ŭdziełu ŭ viadzieńni kanała nie admaŭlaŭ: «Ja nie źbirajusia deananimiravać supracoŭnikaŭ, vydavać niešta, što možna vykarystoŭvać suprać nas… Tak što prabačcie, ale nie. Dziakuj za hutarku».
Telehram-kanał «Rybar» adnosicca da tych rasijskich «patryjatyčnych» resursaŭ, jaki ŭ pryncypie padtrymlivaje praviadzieńnie «śpiecapieracyi va Ukrainie», ale pry hetym surova krytykuje dziejańni rasijskaha vajskovaha kamandavańnia i nie chavaje niazručnych dla jaho faktaŭ.
