Pieralik padrychtavany ŭ metach abmiežavańnia ryzyk bankaŭ, niabankaŭskich kredytna-finansavych arhanizacyj, zdolnych paŭpłyvać na ŭstojlivaść funkcyjanavańnia bankaŭskaj sistemy, tłumačyć rehulatar.
U hrupie sistemnaj značnaści I svaje miescy zachavali piać bankaŭ: «Biełarusbank», «Biełahraprambank», «Pryjorbank», AAT «Śbier Bank», AAT «Bank BiełVEB».
U hrupu sistemnaj značnaści II Nacbank adnios 6 bankaŭ: «Bielinviestbank», «Biełhazprambank», «Alfa-Bank», Bank VTB (Biełaruś), «MTBank», «Bank Dabrabyt».
Ranžyravańnie bankaŭ pa hrupach vykanana na asnovie analizu takich pakazčykaŭ, jak maštab dziejnaści banka, jaho ŭzajemaźviazanaść z bankami-rezidentami, značnaść dla ekanomiki i ŭzajemaźviazanaść ź nierezidentami.
Nacbank udakładniaje, što ŭsie sistemna značnyja banki pavinny vykonvać narmatyvy dastatkovaści kapitału i pryncypy karparatyŭnaha kiravańnia. U pryvatnaści, u hetych bankach rady dyrektaraŭ pavinny sfarmiravać kamitety pa ŭznaharodach, uznačalenyja niezaležnym dyrektaram.
U 2022 hodzie da hrupy sistemnaj značnaści I byli adniesieny šeść bankaŭ:
«Biełarusbank», AAT «Biełahraprambank», «Pryjorbank», «Śbier Bank», «Bank BiełVEB», «Bielinviestbank».
U II hrupu sistemnaj značnaści byli ŭklučanyja: «Biełhazprambank», «Alfa-Bank», Bank VTB (Biełaruś), «MTBank», «Bank Dabrabyt».
