Fota: AP
Dźvie traciny zahinułych u katastrofie rejsa MH17, jaki ruchaŭsia z Amsterdama ŭ Kuała-Łumpur 17 lipienia 2014 hoda, byli hałandcami, i mienavita hałandski prakuror uznačaliŭ mižnarodnuju śledčuju hrupu, jakaja pravodziła rasśledavańnie.
Rasija praciahvaje nazyvać hetu spravu palityzavanaj, praduziataj i adnabokaj, choć usie arhumienty, pradstaŭlenyja Maskvoj, sud uvažliva vyvučyŭ.
U datyčnaści da katastrofy samalota abvinavačvajucca:
Ihar Hirkin (Strałkoŭ) — hramadzianin Rasii — ministr abarony samaabvieščanaj DNR, adstaŭny aficer FSB.
Siarhiej Dubinski — hramadzianin Rasii — staršy aficer HRU armii Rasii ŭ adstaŭcy.
Aleh Pułataŭ — hramadzianin Rasii — padpałkoŭnik zapasu VDV armii Rasii.
Leanid Charčanka — hramadzianin Ukrainy — kamandzir raźviednaj častki HRU DNR.
Prakuratura Niderłandaŭ zaprasiła dla kožnaha ź ich pažyćciovy termin, ale padkreślivaje, što nichto z abvinavačanych asabista nie ŭdzielničaŭ u pusku rakiety pa «Boinhu».
