Fota: president.pl
Polski lidar paviedamiŭ ab praviadzieńni šerahu kansultacyj z suśvietnymi lidarami. Duda mieŭ razmovy z prezidentami Ukrainy i ZŠA Uładzimiram Zialenskim i Džo Bajdenam, hienieralnym sakratarom NATA Jensam Stołtenbierham, premjer-ministram Vialikabrytanii Ryšy Sunakam i kancleram Hiermanii Ołafam Šolcam.
«Prezident Bajden zapeŭniŭ, što ZŠA padtrymlivajuć nas i zachoŭvajuć svaje aljansy. ZŠA stajać z nami na varcie biaśpieki», — padkreśliŭ Duda.
Jon dadaŭ, što «apisaŭ situacyju ŭsim kiraŭnikam» i prainfarmavaŭ ab praviadzieńni na miescy vybuchu śledčych dziejańniaŭ.
«Džo Bajden zajaviŭ, što padtrymaje nas z nakiravańniem amierykanskich ekśpiertaŭ, jakija dapamohuć nam vyvučyć miesca hetaha incydentu», — skazaŭ polski prezident.
Andžej Duda adznačyŭ, što śledčyja dziejańni praciahvajucca, i «pakul my nie majem dakładnych dokazaŭ taho, chto zapuściŭ hetuju rakietu».
«Chutčej za ŭsio, heta była rakieta rasijskaj vytvorčaści», — skazaŭ prezident Polščy.
Pa słovach Dudy, NATA zastajecca ŭ stanie pavyšanaj hatoŭnaści ŭ suviazi z vybucham na terytoryi Polščy.
«My ŭzmacnili bajazdolnaść polskich uzbrojenych sił, u tym liku supraćpavietranuju abaronu. Našy samaloty buduć padtrymlivać samaloty sajuźnikaŭ. My dziejničajem spakojna i ŭzvažana», — adznačyŭ jon i dadaŭ, što dziejańni polskaj ułady «vielmi spakojnyja i ŭzvažanyja, biez pryniaćcia paśpiešnych rašeńniaŭ».
«Na miescy znachodziacca polskija vajennyja, jość padtrymka sajuźnikaŭ», — zajaviŭ Duda.
Prezident Polščy nahadaŭ, što ŭ hetuju sieradu, 16 listapada, sklikajecca pasiadžeńnie RNBA krainy.
Jak adznačyŭ polski lidar, «ukrainski bok pierakanany, što heta była rasijskaja rakieta, jakuju zapuściŭ rasijski bok», ab čym jamu paviedamiŭ Zialenski.
