Fota: kitajskaja sacsietka Weibo
Čen, jakomu ciapier 50 hadoŭ, niadaŭna prabieh usiu dystancyju marafonu i kuryŭ na praciahu ŭsich 42 kiłamietraŭ. Fota biehuna z cyharetaj stali virusnymi ŭ miascovaj sacsietcy, a arhanizatary marafonu paźniej apublikavali siertyfikat Čena ab zaviaršeńni marafonu, piša Daily Mail.
Mužčyna pryjšoŭ da finišu 574-m z prykładna 1500 biehunoŭ, kab skaryć dystancyju, jamu spatrebiłasia 3 hadziny 28 chvilin i 45 siekund.
Heta nie pieršy raz, kali dziadzia Čen prabiahaje marafon z cyharetaj u ruce. U 2018 hodzie jon takim ža čynam vystupaŭ na marafonie ŭ Huančžou, u 2019-m — na marafonie ŭ Siaamyni. Vyniki biehuna skłali adpaviedna 3 hadziny 36 chvilin i 3 hadziny 32 chviliny. Taksama ŭ siecivie jość infarmacyja, što Čenu paddajucca i bolš doŭhija dystancyi, čym zvyčajny marafon.
Z 2017 hoda kitajca viedajuć u biehavych kołach jak «brata, što kuryć». Ludzi staviacca da jaho pa-roznamu: kamuści padabajucca zdolnaści dziadzi Čena, a niechta ličyć, što jon padaje drenny prykład.
Niahledziačy na toje, što spadar Čen jaŭna ŭ formie, jaho radzima maje nie lepšuju statystyku pa kureńni. U Kitai kurać 53% mužčynskaha i 2,5% žanočaha nasielnictva. Navukoŭcy čakajuć, što na praciahu dvuch nastupnych dziesiacihodździaŭ śmiarotnaść ad chvarob, źviazanych z kureńniem, vyraście ŭ Kitai amal na 50%. Kureńnie škodzić dychalnaj i sardečna-sasudzistaj sistemam arhanizma, što dakładna źnižaje šansy čałavieka stać dobrym atletam, u tym liku i biehunom.
Jak by tam ni było, ciapier nie isnuje pravił, jakija b zabaraniali biehunam kuryć padčas dystancyi.
Biełarus-pastar vyjhraŭ vialiki zabieh u Polščy. Paśla hetaj hutarki vy jaho dakładna palubicie
Chto toj biełarus, jaki prabiežkami «maluje» Babaryku i piša słovy salidarnaści
«Padčas krosu možna pabačyć žyrafaŭ». Topavaja biełaruskaja biahuńnia, jakuju vyklučyli sa zbornaj, pra žyćcio i treniroŭki ŭ Kienii
