«Supracoŭniki VHA Novaj Kachoŭki, dziaržaŭnych i municypalnych ustanoŭ pakinuli horad i byli pieradysłakavanyja ŭ biaśpiečnyja miescy vobłaści», — skazana ŭ zajavie akupacyjnych uładaŭ.
U administracyi adznačyli, što paśla advodu rasijskich vojskaŭ z pravabiarežnaj častki Dniapra Chiersonskaj vobłaści «ahoń ź levaha bieraha Dniapra zrabiŭ žyćcio ŭ horadzie niebiaśpiečnym». Praz abstreły ŭ horadzie adklučyŭsia internet i mabilnaja suviaź.
Raniej pres-sakratarka Sił abarony «Poŭdzień» Natalla Humianiuk paviedamiła, što rasijskija vojski na levym bierazie Dniapra adychodziać uhłyb na 15-20 km ad abstalavanych rubiažoŭ, kab zaścierahčy siabie ad abstrełaŭ USU.
Novaja Kachoŭka znachodzicca prykładna za 60 km na ŭschod ad Chiersona. Horad staić na levym bierazie Dniapra, nižej za Kachoŭskuju HES.
