Tut i dalej: skrynšoty z rasśledavańnia «Bajpoł»
Napiaredadni prezidenckich vybaraŭ-2006, kali ŭžo išło daterminovaje hałasavańnie, tahačasnaje kiraŭnictva KDB, MUS i prakuratury abviaściła ab tym, što ŭ krainie nibyta rychtujecca sproba siłavoha zachopu ŭłady. Prapahanda śćviardžała, što dla pieravarotu ŭ Biełaruś nibyta zavozilisia hrošy z-za miažy i prasočvalisia dyviersanty.
U jakaści dokazaŭ čekist Ściapan Mikałajevič Sucharenka pryvioŭ infarmacyju pra toje, što ŭ dzień vybaraŭ u Minsku nibyta rychtujucca terakty ŭ čatyroch škołach. Taksama Sucharenka pradstaviŭ videazapis, jaki nibyta dakazvaŭ datyčnaść lidara AHP Anatola Labiedźki da kryminalnaj spravy pa fakcie «padrychtoŭki terarystyčnaha aktu».
Paźniej KDB raspačaŭ jašče adnu kryminalnuju spravu «pa fakcie taho, što hrupa niavyznačanych asob ustupiła ŭ złačynnuju zmovu na terytoryi Respubliki Biełaruś». Za hetaj farmuloŭkaj chavałasia lehienda ab tym, što, kab destabilizavać abstanoŭku, niechta źbiraŭsia atrucić minski vadapravod dochłymi pacukami.
U rasśledavańni Bypol nazyvaje proźvišča čałavieka, jaki «pryznaŭsia» na dziaržtelebačańni, što jon nibyta źbiraŭsia atrucić pacukami vadapravod. Heta były supracoŭnik milicyi Pavieł Paŭłavič Hiermanovič. U 1997 hodzie jon byŭ zvolnieny pa ŭłasnym žadańni ź Pinskaha RAUS, a ŭ čas padziej 2006 hoda prachodziŭ lačeńnie ad ałkahalizmu.
U 2010 hodzie ŭviečary paśla prezidenckich vybaraŭ prajšła šmattysiačnaja demanstracyja pratestu, žorstka razahnanaja siłavikami. Tady śpiecsłužby, jak śćviardžaje «Bajpoł», znoŭ vykarystali ŭ jakaści pravakatara čałavieka ź psichičnym zachvorvańniem — nieadnarazova sudzimaha Uładzimira Mikałajeviča Chamičenku, jaki nie mieŭ pastajannaha miesca žycharstva. Mužčynu dali mianušku «Navušnik», i jon nabyŭ viadomaść praz toje, što padčas mirnaj demanstracyi biŭ škło ŭ Domie ŭrada. Paśla tych padziej była zaviedzienaja kryminalnaja sprava ab masavych biesparadkach, i ŭ vyniku roznyja terminy atrymali 51 čałaviek, u tym liku 5 kandydataŭ u prezidenty.
Anałahičnyja padziei mieli miesca ŭ 2017 hodzie, kali dziaržava vyrašyła brać ź niepracujučych hramadzian padatak «na darmajedstva». Heta vyklikała pratesty — tak zvanyja «maršy niedarmajedaŭ» — pa ŭsioj krainie, na jakija režym adreahavaŭ uzmacnieńniem represij, a taksama novaj lehiendaj pra padrychtoŭku ŭzbrojenaj zmovy. Raskazvali pra «zatrymańnie niekalkich dziasiatkaŭ bajevikoŭ sa zbrojaj i vybuchoŭkaj, jakija treniravalisia ŭ rajonie Babrujska i Asipovičaŭ». Hrošy na hetuju aktyŭnaść nibyta pastupali praz Polšču i Litvu. Nasamreč siłaviki zatrymali aktyvistaŭ «Maładoha Frontu», členaŭ kłuba «Patryjot» i byłych udzielnikaŭ spartyŭna-patryjatyčnaj arhanizacyi «Bieły Lehijon», jakaja ŭ 2017 hodzie ŭžo nie isnavała.
Jak śćviardžali pradziaržaŭnyja resursy, za dzień da zatrymańniaŭ, nočču 20 sakavika 2017 hoda, była ździejśnienaja sproba praryvu praź biełaruska-ŭkrainskuju miažu z ukrainskaha boku. Siłaviki spynili mašynu praz 18 kiłamietraŭ ad punkta propusku, zatrymali dvaich čałaviek (jašče adzin nieviadomy, što znachodziŭsia ŭ džypie, pa lehiendzie zdoleŭ źbiehčy).
Pa materyjałach kryminalnaj spravy, hramadzianin Biełarusi «Alaksandr Ivanavič Novikaŭ, 1976 hoda naradžeńnia, pa papiaredniaj zmovie ź niavyznačanymi asobami niezakonna pierasiok miažu Respubliki Biełaruś». Pry hetym jon kiravaŭ aŭtamabilem Jeep Grand Cherokee z numaram 6112 MT-7, u jakim nibyta znajšli zbroju.
Pavodle śviedčańniaŭ «Bajpoła», u Novikava jość jašče adno imia — niekatoryja viedajuć jaho jak Siarhieja Alaksandraviča Nosava, 1974 hoda naradžeńnia, ale i hetaja imia vydumanaje. Sapraŭdnaje imia hetaha čałavieka — Siarhiej Alaksandravič Bałobin, 1974 hoda naradžeńnia, na toj čas heta supracoŭnik centralnaha aparata KDB.
Paźniej ukrainskija pamiežniki abviaścili, što džyp z takim numaram nie pierasiakaŭ miažu, i paćvierdzili heta videadokazami; ich biełaruskija kalehi taksama admovilisia ad viersii pra praryŭ. A potym stała viadoma, što nasamreč Novikaŭ pierasiakaŭ miažu na džypie, ale ž praryvu nie było, i mašyna mieła zusim inšy numar — 4318 AR-7. Praŭda, i hety, i papiaredni numary padstaŭnyja.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Adzin ź fihurantaŭ zvarotu biełaruskich vajskoŭcaŭ da ŭkrainskich falsifikavaŭ vybary, a čaść druhoha brała ŭdzieł u raspravach nad narodam
Były śledčy raskazaŭ, jak raskryvajuć ID u telehramie, i daŭ prahnoz, što budzie ź siłavikami
U ByPol źjaviłasia mahčymaść pravierki biełarusaŭ na palihrafie. Chto z palitykaŭ jaho prajšoŭ?
